6 жыл мурун Кант шаарындагы үйүнөн чыккан бойдон кайра келбеген Алтынбек Жамакеевди издөө уланууда

6 жыл мурун үйүнөн чыккан бойдон кайра келбеген Алтынбек Жамакеевди издөө уланууда. Бул тууралуу 21-декабрда Чүй ОИИББинин басма сөз кызматы билдирди.

Маалыматка караганда, Кант шаарында 1980-жылы туулган Жамакеев Алтынбек Мукаевич 2009-жылы үйүнөн чыгып, кайра кайтып келген эмес. Ушул күнгө чейин издөө иштери жүрүп, натыйжасыз болуп жатат. Азыркы тапта Ысык-Ата райондук ички иштер органдары көргөн-билгендерди көмөктөшүүгө чакырууда. Маалыматы барлар (0701) 23-00-33, (03132) 5-21-47, (0312) 61-69-07 телефондоруна байланышып же милиция бөлүмүнө кабарласа болот.

А.Жамакеевдин бою 170-172 сантиметр, чачы кара, кой көз. Сол бутунда 5 сантиметрдей калы, сол колунда татуировкасы бар.

Автор: Айпери Ганыжан кызы