Ысык-Көлдө өз үйүнөн аялдын жансыз денеси табылды

Ысык-Көл районунун Григорьевка айылында 1956-жылы туулган Маханько Нина Александровнанын жансыз денеси өз үйүнөн табылган. Анын кошуналары милиция кызматкерлерин чакырышкан. Бул тууралуу 22-декабрда Өзгөчө кырдаалдар министрлигинин басма сөз кызматы билдирди.

Милиция кызматкерлери барганда үй ээсинин күйгөн төшөктө жаткандыгын, үстүнкү кийими дагы күйүп калгандыгын көрүп, ӨКМнын өрт-куткаруу бөлүмүнүн кызматкерлерин өрттүн себебин тактап берүүгө чакырышкан. Болжол менен өрт тамеки тартуудагы этиятсыздыктан келип чыккан. Маркумдун жансыз денеси туугандарына тапшырылды.

Автор: Айпери Ганыжан кызы