Бакыт Төрөбаев: "Өкмөт машиналык-трактордук станцияларды түзүү жөнүндө токтомго кол койбой жатат"

“Парламенттеги көпчүлүк коалиция түзүлүп жатканда биздин фракция айыл чарбасын өнүктүрүү өкмөттүн приоритеттүү багыттарынын бири болушу керектигин тастыктаган”, - деп билдирди "Өнүгүү-Прогресс" фракциясынын лидери Бакыт Төрөбаев фракциянын бүгүнкү жыйынында.

Төрөбаев өкмөттүн өкүлүнө кайрылып: “Биз премьер-министр Темир Сариев менен өлкөдө айыл өкмөттөрүнүн деңгээлинде машиналык-трактордук станцияларды (МТСтерди) түзүүгө шарт түзүлөрүн макулдашканбыз. Азыр аймактарда МТСтерди түзүү жөнүндө өкмөттүн токтомунун долбоору даяр турат. Акимдер жана айыл өкмөт башчылары азыр бул токтомду күтүп жатышат. Өкмөт эмне үчүн бул токтомго кол койбой жатат?”- деп суроо салды.

Автор: Жамалидин Парманкулов