Мамлекеттик салык кызматынын башчысы: "2015-жылкы план аткарылды, бул бошоңдоп кетүүгө шылтоо эмес"

Мамлекеттик салык кызматынын башчысы Замирбек Осмонов өлкөдө салык жыйноо боюнча 2015-жылдын планы аткарылганын мекеменин 8-февралдагы коллегиялык жыйынында айтты. Былтыр жалпы 60 миллиард 900 миллион сом салып чогултулганы айтылды. 2014-жылга салыштырмалуу 18 миллиард 760 миллион 700 миң сомго көп.

Мекеме башчысы жалпы план аткарылганы менен, салыктын айрым түрлөрү боюнча артка кетүүлөр болгонун белгилеп: "Айрым жетекчилердин тартипти бузуп жатканы тууралуу бизге көптөгөн маалыматтар келет. Жыйынтыгында мунун баары мекеменин ишине таасир этүүдө. Мындай тартип бузуулар менен салык планын аткаруу кыйын",- деди.

Автор: Автандил Добулбеков