СУПЕРСТАН: "Менин жашоом идеалдуу"

SUPER.KG порталынын "Суперстан" бөлүмүндө "Сиз идеалдуу жашоонун кандай болушун каалайсыз?" деген тема талкууга алынууда.

Темадагы билдирүүлөрдөн:

"Жанымда бир сонун, түшүнүктүү, көздөрү күлүп турган, жылдыздуу, акылдуу жигит болсо. Экөөбүз балдарыбызды тарбияласак, ата-энем дайыма колдоо көрсөтүп турса, мен сүйүктүү кесибим менен иштесем, ден соолугубуз чың, аман-эсен болсок... Мен үчүн идеалдуу жашоо ушундай болот экен".

"Азыркы башым болгондо аял кишиге ылайыктуу кесипке окумакмын. "Азыр деле кеч эмес" деп убакытка шылтап өзүмдү алдап коюп жүрөм".

"Менин жашоом идеалдуу, Кудайга шүгүр, өзүм каалаган нерсемдин баары бар. Мисалы: ден соолук, мал чарба, дыйканчылык, айланамда досторум, бир туугандарым... Бишкек шаарынан келе жатып бир өтө бай адамга туш келип калганмын. Оштун Маданият деген жерине келгенде талаада жумуш кылып жаткан адамдарды көрүп, мени карап "Буларды карасаң, кандай гана бактылуу адамдар! Эч нерсе оюнда жок, тынч жашоо сүрүп жатышат. Менин да жашоом ушундай болсо..." дегени эсиме түшүп кетти".

"Идеалдуу жашоо болбойт, идеалдуу учурлар гана болуп турат".

"Идеалдуу жашоо - тынчтыкта жашоо. Эң оболу тынчтык болсун, калганы берилген ырыскыңа жараша келе берет. Канчалаган адамдар жакындарын жоготуп, согуш деген балээнин артында жашап жүрүшөт. Алар кабат-кабат үйлөрдө, катар-катар машиналарды айдап жүрсөм дешпейт, алар үңкүрдө жашасам да тынчтыкта өмүр сүрөлү деп кыялданышат. Ошондуктан баарынан мурда тынчтык болсун, тынчтык калган баалуулуктарга караганда идеалдуураак деп ойлойм".

Талкууга кошулгуңуз келсе, бул жакка кириңиз.

Автор: Алина Токтакунова

13:51 31-05-2016

Жазылуу

РУБРИКАДАГЫ СОҢКУ КАБАРЛАР

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 74 0

00:36 2025-05-16 | Түркүн дүйнө

Франция Иранды Эл аралык сотко берет 169 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 133 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 434 0

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 421 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 355 0

Архив

Комментарийлер (3)

Bermet_Kasymova

2016-05-31 16:46:40

Мыкты создор.

Kunbeken

2016-05-31 18:12:09

Майрам дейбиз жалкоолукту суйгондо,
майрам бир жол ысырапка киргенге.
Тилдер эмес колдор иштеп турса экен,
Тируулуктун озу майрам билгенге.
Аллахыма бул дуйнодо ушундай жакшы жашоодо жашап жатканыма мин мертебе шугур, менин жашоо идеалдуу)))

s5kgbal

2016-05-31 18:25:44

Идеалдуу эчнерсе жок

Комментарий калтыруу үчүн өз ысымыңыз менен кириңиз же каттоодон өтүңүз.