Оштогу коммерциялык банктардын биринде мыйзамсыз кирешени легалдаштыруу фактысы катталды

Оштогу коммерциялык банктардын биринде мыйзамсыз кирешени легалдаштыруу фактысы катталды. Бул тууралуу бүгүн, 23-июнда ИИМдин басма сөз кызматы билдирди.

Маалыматка караганда, Ош облусунун Н.К. аттуу тургуну 2013-2014-жылдар аралыгында коммерциялык банк аркылуу чет өлкөгө чоң суммадагы акча каражатын которуу менен алектенген. Тергөөнүн жүрүшүндө аталган жарандын эч жакка акча которбогону жана мурда банктын айланасын тазалап иштегени белгилүү болгон. Иштеп жүргөн учурунда банк кызматкерине паспортун берген. Учурда бул факт боюнча кылмыш иши козголуп, тергөө амалдары жүрүп жатат.

Автор: Бекжан Рыскулов