Малайзиялык мугалимдердин Ысык-Көлдө окуучуларга билим берүүсү түнгө чейин уланууда (фоторепортаж)

Сабак учуру

Окуучулар үчүн кызыктуу сабактар өтүлүп жатат.

Малайзиялык мугалимдер окуучуларды заманбап программа менен окутушууда.

Окуучулар үчүн англис тилин окуу кызыктуу болуп жатат.

Окуу тажатма болбош үчүн ар кандай кызыктуу ыкмалар колдонулууда.

Сабак учурунда мугалимдер, окуучулар бир гана англис тилинде сүйлөшүшөт.

Ар бир окуучуга көңүл бурулуп жатат.

Окуу үстүндөгү окуучулар

Малайзиялык мугалим

Кыргыз окуучулары өзгөчө кызыгуу менен окуп жатышат.

Малайзиялык мугалимдердин англис тили боюнча окутуу программалары өз нугунда уланууда. 22-июлда эртең менен окуучулар Ысык-Көлгө кеме менен саякатка чыгышкан эле. Түшкү тамактануудан соң окуучулар жаңылмачтардан айтышып, англис тилине тилдерин жатыктырышты. Сабак тажатма болбош үчүн балдар караокеде ырдап көңүл ачууга да жетишишти. 2 сааттык окуудан кийинки убакыт тыныгууга берилди.

Сабактардын уландысы кечке маал башталды. Анда окуучулар 3 топко бөлүнүп, малайзиялык мугалимдер ала келген китептер боюнча түрдүү тапшырмаларды аткарышты.

"Малай мугалимдери бизге жаңы келип жаткан заманбап программа боюнча окутуп жатышат. Азыркы өтүлгөн ыкманын артыкчылыгы - синоним сөздөрдүн жардамы менен окуучу мугалимдин оюнда кайсы сөз катылгандыгын таап, сөз байлыгын кеңейтүүгө мүмкүнчүлүк алат. Эгер сөздү таппай баратса, ар кандай мисалдарды келтире калабыз. Ошондой эле сабакта кыргыз жана орус тилдерин колдонбой жалаң англис тилинде түшүндүрүүгө аракет жасап жатабыз. Бул окуучулардын англис тилинде эркин баарлашуусуна мүмкүнчүлүк түзүүдө", - дейт Кыргыз өлкөсүнөн катышып жаткан мугалимдердин бири Алина Турдалиева.