Өзгөн шаардык ооруканасында оорулуулардын кезек күтүп калуусу боюнча тиешелүү адамдарга чара көрүлөт

25-июлда окурман SUPER.KG порталына WhatsApp аркылуу кайрылып, Өзгөн шаардык ооруканасынын дарыгерлери жумушуна кечигип келишкендиктен ооруканада кезек күткөндөр көп экенин билдирген.

"Жумуш убактысы саат 8:30да башталса, 9:12 чамаларында бирин-экин гана медайымдар менен практикант кыздар жүрдү. Бул аралыкта эле "көзүмдү текшертем" деп келгендердин саны 21ге жетти. Бул кенебестикпи же көнүмүш адатпы?" - деген окурман медицина кызматкерлерин жоопкерчиликтүү болууга чакырган.

Бүгүн, 27-июлда бул маселе боюнча Өзгөн райондук үй-бүлөлүк медицина борборунан жооп беришти. Аталган борбордун директорунун орун басары З.Дукенбаеванын билдирүүсүнө таянсак, айыл жерлеринде дарыгерлердин жетишсиздиги жогорудагыдай абалга алып келүүдө.

"25-июль күнү саат 8:30да көз дарыгери Икрор Умаралиев жана эки медайым график боюнча оорулууларды кабыл алып жаткан. Бир мезгилде канча бейтап келсе дагы кезек менен текшерилет, "Тез жардам" кызматы аркылуу келип, текшерилүүгө муктаж болгондор гана кезексиз текшерилет. Өзгөн районундагы Куршаб жана Мырзаке айыл аймактарындагы Үй-бүлөлүк дарыгерлер борборунда көз дарыгерлери жок. Буга байланыштуу район тургундары бизге кайрылышкандыктан, көпчүлүк учурда көз дарыгерине кезекке турганга мажбур болуп калышат. Ошондой эле айылдык шартта унаалар район борборуна эртең менен эрте келгендиктен жана кайра кеч кайткандыктан, жарандар эртең менен бир убакта кезекке туруп калышат. Жогорудагы кемчиликтерди жоюу максатында 28-июлдагы жыйында бул маселе талкууланат жана чара көрүлөт", - деп айтылат билдирүүдө.

Автор: Жамалидин Парманкулов

10:06 27-07-2016

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (1)

mir.osh

2016-07-28 10:15:02

Өзү чындыгында Өзгөн райондук орукана бардак тазалык начар анан врачтарда жакшы маани беришип карашпайт. Мөөнөт күтүү бул факт. Анан көрө Куршаб ооруканасы райондук оруканага караганда таза жана врачтарда жакшы кабыл алып тез арада жардам корсотуп жата турган болсо шарт тузуп беришет. Өзгөн раойндук орукананы өзү толук текшериш керек

Комментарий калтыруу үчүн өз ысымыңыз менен кириңиз же каттоодон өтүңүз.