Бакай-Ата районунда 10 жылдык салтанаттын ордуна эки балалуу, ден соолугунун мүмкүнчүлүгү чектелген аялга үй куруп беришти

Бакай-Ата районунун Кызыл-Октябрь айылында Кушубек Султаналиев атындагы мектептин бүтүрүүчүлөрү эки балалуу, ден соолугунун мүмкүнчүлүгү чектелген аялга үй куруп беришти. Бул тууралуу бүгүн, 4-августта мектеп бүтүрүүчүсү Эрмек Атабеков билдирди.

"Мектепти бүткөнүбүзгө 10 жыл болуп, салтанатты белгилөө аракетин көрүп калдык. Арабыздан балдар маселе коюп, оюбузду ортого салдык. Жыйынтыгында 11 бала чогулуп, 10 жылдыкка деген каражатка айылыбыздагы 2 балалуу, ден соолугунун мүмкүнчүлүгү чектелген аялга үй салып бердик", -дейт Атабеков.

Маалыматка ылайык, курулуш иштерине жалпы 150 миң сом жумшалган. Бүтүрүүчүлөр мындай кайрымдуулук иштерди бизден кийинкилер да улантышса деген тилекте. Аталган кайрымдуулук ишин Кушубек Султаналиев атындагы мектепти 2006-жылы бүтүргөн 1988-жылы туулган балдар жасашкан.

"Куруу иштерин 11 бала өзүбүз аткардык. Арабызда куруучу адистигине ээ болгондор бар. 3 ай аралыгында салып бүттүк. Үйдүн ачкычын тапшырууга райондун акимин, айыл өкмөт башчысын жана айыл аксакалдарын чакырганбыз. 6-август күнү үйдүн кызыл тасмасын кесип, ээсине ачкычын тапшырабыз", - деп кошумчалады бүтүрүүчү Эрмек Атабеков.

Автор: Акназар Сулайманкулов
Фото: Эрмек Атабеков

15:04 04-08-2016

Жазылуу

РУБРИКАДАГЫ СОҢКУ КАБАРЛАР

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 78 0

21:13 2025-05-15 | Саясат

Сүйүнбек Касмамбетовдун ордуна Марат Иманкулов келди 233 0

20:42 2025-05-15 | Саясат

Кыргыз-түрк экономикалык кызматташтыгы талкууланды 132 0

20:21 2025-05-15 | Коом жана турмуш

Министр Ажикеев Ак-Талаадагы жер титирөөдөн жабыркагандардан кабар алды 234 0

19:49 2025-05-15 | Түркүн дүйнө

Түркияда катуу жер титирөө болду. Зеленский ал жакта 1030 0

19:30 2025-05-15 | Коом жана турмуш

Садыр Жапаров УКМК кармаган акимди кызматынан алды 1486 0

Архив

Комментарийлер (9)

Arslan12

2016-08-04 15:39:20

Балли азаматтар!

Ernis.98

2016-08-04 16:05:53

силердей Кыргыздын азаматтары кобойо берсин

+19

Arsenal2

2016-08-04 16:17:26

Алла ырааазы болсун.азаматсынар жигиттер ушунунардан жазбагыла.

Misterjon

2016-08-04 16:46:30

Азаматсынар жигиттер,силерден мисал алган замандаштар коп болсун. Ар бирибиз колубуздан келген жакшы иштерди баштасак, олкобуздун онугушуно пайдабыз тийет

lexus47

2016-08-04 18:54:01

Чыныгы мырза деген атка татыктуу жигиттер экен. Силерге Кудайым берсин оомин! Бара-бара эл,элди камсыздап калат окшойбуз ушинтип. Мамлекеттен б.ктуда умут кылбаш керек... жок дегенде ушундай жарды адамдарга, мумкунчулугу чектелгендерге жардам берип турса болот эле, же жарытып акча бербейт, берседа кучуко окшоп чуркатып анан берет

bek.kgz

2016-08-04 19:15:52

Азаматтар!!!

ofiser26

2016-08-04 19:50:36

Чыныгы Кыргыздын мендей мырзалары экенсинер.

temirov76

2016-08-04 20:04:25

Ой азаматтар,АЛЛАХ силерден эки дуйно ыраазы болсун инилерим,окуп алып толкунданып кеттим,силерден кыргыз элим улгу ала турган эле жумуш жасапсынар,азаматтар.

jalalabad93

2016-08-05 13:46:52

Ак уйдон кутпой калдык эч нерсе карапайым эл бирине-бири жардам кылып кыйынчылыкты женилдетип жатабыз Аллага шугур

Комментарий калтыруу үчүн өз ысымыңыз менен кириңиз же каттоодон өтүңүз.