Режеп Тайип Эрдоган: "Кыргызстан менен Түркияны байланыштырган темир жол курулса, кызматташтыгыбыз мындан да бекемделет"

"Кыргызстан менен Түркияны бириктирген темир жол курууну пландап жатабыз". Бул сөздү бүгүн, 10-апрелде "Ала-Арча" мамлекеттик резиденциядагы жолугушуу учурунда Түркиянын премьер-министри Режеп Тайип Эрдоган айтты.

"Биз эки тараптуу кызматташтыкты өнүктүрүүгө аракет кылуудабыз. Дүйнөлүк экономикада Түркиянын салмактуу орду бар. Акыркы күндөрү Кыргызстанда эмгектенген ишкерлер көбөйдү. Бул темир жол курула турган болсо, эки өлкөнүн кызматташтыгы мындан ары да чыңдалат",- деди Эрдоган. Айта кетсек, мамлекеттик резиденцияда Кыргызстан менен Түркиянын ортосундагы стратегиялык кызматташуу боюнча Башкы Кеңешинин 2-жыйыны өтүп жатат.

Автор: Ширин Жумадилова