"Түндүк электр" ачык акционердик коомуна абоненттер 500 миллион сомдой карыз

"Түндүк электр" ачык акционердик коому абоненттердин электр энергияга болгон карызын 10 миллион 800 миң сомго кыскартты. Бул тууралуу бүгүн, 15-августта "Түндүк электр" ачык акционердик коомунун басма сөз кызматынан билдиришти.

Маалыматка ылайык, 2015-жылдын 1-июль айына карата карыздын көлөмү 507 миллион 700 миң сомду түзгөн. Ал эми июль айында керектөөчүлөр электр энергияга болгон дебитордук карызын 10 миллион 800 миң сомго, тактап айтканда, 2 пайызга төмөндөткөн. Анын ичинен бюджеттик уюмдардын карызы 7 миллион 100 миң сомго жогорулаган.

"Электр энергияга болгон карызын өз маалында төлөбөгөндүгү үчүн 12 465 абоненттин жарыгы өчүрүлгөн. Мындан сырткары карыздын төмөндөшү Чүй облусунда 9 миллион 400 миң сомго, Талас облусунда 3 миллион 900 миң сомго кыскарган", - деп билдирди басма сөз кызматы.

Автор: Акназар Сулайманкулов
Фото: Интернеттен алынды