Кыргыз Республикасынын жана Казакстан курамаларынын футбол боюнча жолдоштук беттеши учурунда айрым жолдор жабылат

Кыргыз Республикасынын курамасы жана Казакстан курамасынын футбол боюнча жолдоштук беттешине эки саат калганда Бишкектин борбордук көчөлөрү жабылат. Бул тууралуу Патрулдук милиция кызматынан билдиришти.

Маалыматка ылайык, бүгүн, 30-августта саат 18:00 Тоголок Молдо көчөсү Чүй кең көчөсүнөн Фрунзе көчөсүнө чейин, Фрунзе көчөсү Исановдон Логвиненко көчөсүнө чейин жабылат.

Эске салсак, Кыргыз Республикасынын курамасы жана Казакстан курамасынын беттеши саат 20:00дө Дөлөн Өмүрзаков атындагы стадиондо башталат.

Автор: Аскат Сабыров
Фото: Интернеттен алынган