Эгемендүүлүк майрамында милиция кызматкерлери соодагерлердин соода кылуусуна уруксат беришкен жок

Сейил бактын ичи эс алуучуларга толгон.

Милиция кызматкерлери соода кылууну токтотууну талап кылып жатышты.

Соода кылып жаткандар

Бүгүн, 31-августта Кыргыз өлкөсүндө эгемендүүлүктүн 25 жылдыгы белгиленип жатат. Борбор калаада майрамдаган эл менен кошо сейил бакта бир күн болсо да соода кылып, акча таап үй-бүлөсүн баксам деген жарандар да чыгышкан. Панфилов сейил багынын айланасында кээ бири самса, оромо, суусундук, башкалары түрдүү шарларды, оюнчуктарды сатып жатышты. Бирок соода кылууга милиция кызматкерлери уруксат бербей, Фрунзе көчөсүнөн алыста соода кылууну талап кылышты. Андыктан жарандар аргасыздан жайган товарларын жыйнап, алып келгендерин алып башка жактарга жөнөп жатышты.

Тамак-аш жасап чыккандардын айтымында, алар таң эрте баарын бышырып даярдашкан. Ар майрамдарда ушинтип иштеп, акча таап балдарына кийим-кече, тамак-аш алышат.

Ислам аттуу 4-класстын окуучусу бүгүнкү иштеп тапкан акчасына мектепке кийим сатып аларын айтат. "Мен апама жардам бергени келдим. Түнү менен оромо, пирожки бышырып чыктык. Баарын сатсак, апам мага кийим алып берет", - дейт Ислам.

Автор: Турсунай Алымкулова
Фото: Турсунай Алымкулова

15:21 31-08-2016

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (4)

sabyr86

2016-08-31 15:59:53

Таштандыдан сактануунун бир жолу,био чети туура эле.

arena2014

2016-08-31 17:45:50

sabyr86,Таштанды тазалагычтар тазаласын айлык акы алгандан кийин. Булар майрамды канча кутуп бир эки сом табалы деп туну бою уктабай бышыргандарын саттырбай койуп каргышка калды.Наалат ошолорго!!!

Pantherka

2016-08-31 16:54:22

Анча кыйын экен таштанды таштагандарга штраф салбайбы?!

nazgul.elhan

2016-08-31 18:46:11

Милициялар деле жогору жактан алган приказын аткарып жатышат.

Комментарий калтыруу үчүн өз ысымыңыз менен кириңиз же каттоодон өтүңүз.