"Кордай" көзөмөл пунктунда жарандар үчүн шарттар түзүлө баштады

Кыргыз Республикасынын Акыйкатчысы Кубат Оторбаев президентке жана Казакстандын Адам укукугу боюнча ыйгарым укуктуу өкүлү Аскар Шакировго кыргыз-казак чек арасындагы "Кордай" пунктундагы шарттардын жоктугу жана казак чек арачыларынын иш-аракеттери боюнча кайрылган эле. Ал кайрылуудан кийин акыйкатчы 8-сентябрда аталган пунктту текшерүү максатында кайрадан барган. Бул тууралуу омбудсмендин басма сөз кызматы билдирди.

"Кубат Оторбаев жакында өзүнүн казакстандык кесиптеши Аскар Шакировдон жооп алды. Анда Шакиров чек арадагы адам укуктарын сактоо маселесине өз убагында көңүл бурулгандыгы үчүн ыраазычылык билдирген. Аскар Шакировдун айтымында, катты алары менен Чек ара кызматына талап коюп, өзүнүн кызматкерлерин "Кордай" көзөмөл пунктуна мониторинг жүргүзүүгө жиберген. Ал эми аталган өлкөнүн Чек ара кызматынын башчысы "Кордай" пунктуна Астанадан тик учак менен келип, тиешелүү буйруктарды берген", - деп айтылат маалыматта.

"Учурда күндөн-күнгө экономикалык алака өнүгүп жаткандыгына байланыштуу казак тараптан чек арадагы инфраструктураны жакшыртуу иштери жүрүп жатат. Омбудсмен тиешелүү органдарга жарандардын ыңгайлуулугуна жараша алар өтө турган коридордун туурасын чоңойтууну, ошондой эле күтүү үчүн шарттары бар жай салууну сунуштаган. Бул жаатта иштер башталды", - деп жазылган казакстандын акыйкатчысынын катында.

8-сентябрда Кубат Оторбаев "Кордай" пунктунан кайрадан өтүп, Казак Республикасынын Чек ара кызматынын жасаган иштерине оң баа бергени маалым болду. Өткөрүү көзөмөл пунктундагы темир тордун бир жагы алынып, күтүү аянтчасына отургучтар орнотулган. Башкысы, эгер буга чейин документ текшерүү үчүн 2 гана кызматкер болсо, учурда алардын саны 10го жеткен.

Бул сапарында Оторбаев Казакстандын "Кордай" көзөмөл өткөрүү пунктунун башчысы Ержан Ертуганов менен жолукту. Ал өз кезегинде инфраструктураны жакшыртуу иштери жүруп жаткандыгын айтты. Акыйкатчы Казак Чек ара кызматын тез арада көрүлгөн чараларга жана кылынган иштерине ыраазычылык билдирди.

Автор: Үмүт Абдраимова
Фото: Омбудсмендин басма сөз кызматы

12:45 12-09-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (2)

Medina87

2016-09-12 15:28:14

Буюртса 17синде Бишкекке барам, озгоруулорду коргончо келет экенмин да.
Акыйкатчынын талаптары туура коюлган, рахмат сизге!!

Кайрат

2016-09-13 13:39:42

Супер инфо акыйкатчы менен байланышып калсаңар чалдовар өткөрүү бекети боюнча да кабарлап койсоңор. Анткени ал жердеги өткөрүү пунктунун абалы тейлөө абдан эле начар. Ошону да бир көрүп жакшыртуунун аракетин квлсп. Ушул аманатты жеткиресиңер деген үмүттөмүн.

Комментарий калтыруу үчүн өз ысымыңыз менен кириңиз же каттоодон өтүңүз.