Депутат: "Балдарыбызды үйдө компьютерден чыгара албай жатсак, мектепте планшеттештирип эмне кылабыз?"

Жогорку Кеңештин Эл аралык иштер, коопсуздук жана коргоо боюнча комитетинин бүгүн, 4-октябрдагы отурумунда депутаттар билим берүү тармагын сынга алышты.

Депутат Максат Сабировдун айтымында, учурда мектеп окуучулары үчүн мыкты аттестат алууга түрткү жок болууда. "Эгер жогорку окуу жайга тапшырыш үчүн жалпы республикалык тестирлөөдөн мыкты көрсөткүч алуу жетиштүү болсо, окуучуга жалаң "5" деген баага окуп жан талашыштын эмне кереги бар? Ошол тестирлөөгө эле даярданып, мектепте окубай жүрсө болот экен да. Эмнеге учурда балдар мектепке барбай жатышат? Себеп ушул маселеде", - деген оюн айтты Сабиров.

Депутат Жылдыз Мусабекова бүгүнкү күндө окуучулардын мугалимдерге болгон мамилеси начар экенин билдирди. "Илгери биз мектепте окуп жүргөндө мугалимдерибизди сыйлачубуз. Азыркы мугалимдерге көп учурда сый-урмат жок болууда. Студент балдарым "ар бир сессияда мугалимдер акча сурашат" дешет. Акча эле берип калдык. Мындай мугалимдер эмнени үйрөтүшөт? Мындан тышкары Билим берүү министрлиги мектеп окуучуларын планшеттер менен камсыздайбыз деп жатат. Балдарыбызды үйдө компьютерлерден жана уюлдук телефондорунан чыгара албай жатсак, аларды мектепте планшеттештирип эмне кылабыз?" - деп нааразычылыгын билдирди Мусабекова.

Автор: Нургазы Аматов

12:18 04-10-2016

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (5)

tyka

2016-10-04 12:52:55

Планшет баарында Эле жок да асманда журосунорбу депутаттар?

elchi84

2016-10-04 14:00:08

Ар кимдин уйундо компьютер жок да.Бул депутаттар озунун жашоосун элдин жашоосуна окшото берет экенда эптеп кун откоргон адамдар да бар.

tyka

2016-10-04 16:10:15

9 мин сом айлык жок дегендин бир туру да)))

Kroxa

2016-10-04 17:33:40

Айылдарга койуп бергиле керелди кечке планшетте отуруп окушмак беле сабак учурунда чон класска жогорку окуу жайларга тапшырууга даярдык корууго онтойлуу болот беле??ар биринде мумкунчулуктору жок да уйундо деле....А бул депутаттарда баары бар элди да жыргап жашагандай ойлоп жатышат...

Nur92

2016-10-05 00:19:07

Биздин убакта планшет эмес домашний телефонду билчу эмеспиз,мага деле бергилечи окуучулук кунго бир кайрылып келейин..

Комментарий калтыруу үчүн өз ысымыңыз менен кириңиз же каттоодон өтүңүз.