Бишкекте беш жылдан бери көчөдө китеп саткан карыя жети небересин багат

Кезегинде өлкөнүн өнүгүшүнө жан үрөп иштеп, салым кошкон адам минтип ал-күчтөн тайып, мамлекеттин колун кароого аргасыз болгон. Күнү-түнү эл кызматын аркалап, чарба ишин өнүктүрүүдө зор салым кошуп, алаканы сыйрылып, таманы чор болгонун айтып, 40 жыл мурдагы жаштыгын эскерген Абдылда Бегалиев учурда пенсия жашында.

Аламүдүн районунун Кара-Жыгач айылынын тургуну Абдылда Бегалиев 68 жашта. Ал Бишкек шаарындагы көчөлөрдүн биринде жол жээгинде китеп сатып кошумча каражат табат. Китеп сатып, жаштарды китеп окууга үндөгөн жумушу менен беш жылдан бери алектенет.

"Мен китеп сатуу менен гана чектелбеймин. Кечке чейин кардар кайсы китепти алат экен деп күтүп жатып зеригип кетем. Ал учурда жолдон жай өтүп бараткан жаштарды токтотуп алып китептер жөнүндө айтып кирем. Арасында кызыгып укканы бар. Укпай колун силкип кеткени бар. Акыркы учурда студенттер менин китептериме кызыга башташты. Көбүнчө китептерди студенттер, анан улуу муундагы адамдар сатып алышат. Орто муундун адамдары кылчайып карап коюшпайт", - дейт Бегалиев.

"Ушул эски китептерди ким алмак эле?" деген көз караш менен карап өткөндөрдү байкаганын айткан Абдылда Бегалиевдин миңге жакын китеби бар. Ал бул китептерди элден топтоп, айрымдарын арзан баада сатып алган. Күнүнө 5-6 китеп сатат. Кээде 1 китеп саткан учурлар болгонун айтат. Андайда адамдардын китеп окубай калганына ызаланса, бир чети соодасы болбой калганына кейийт.

3500 сом пенсия алган Бегалиевдин 2 баласы, 7 небереси бар. Ал китептен түшкөн каражатка неберелерине шириндик көтөрүп барат. Учурда неберелерин китеп окууга үндөп жатканын айтты. Пенсияга кошумча каражат табуудан сырткары карылык менен арбашып үйдө отургандан көрө түрдүү адамдар менен сүйлөшүп иштеген жакшы деген ойду карманат.

Ал китептери китеп дүкөндөргө караганда 50-70 пайызга арзан сатыларын кошумчалады. Анда жаңы, көркөм чыгармалар жок, бирок мектеп окуучулары үчүн адабияттар, жомок китептер, тарых китептери бар. Мындан сырткары орусиялык жана англиялык акын-жазуучулардын китептерин табууга болот. Китептер көлөмүнө, окумдуулугуна жараша бааланат.

Автор: Акназар Сулайманкулов
Фото: Акназар Сулайманкулов

16:51 04-10-2016

Жазылуу

РУБРИКАДАГЫ СОҢКУ КАБАРЛАР

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 100 0

18:22 2025-05-14 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 235 0

18:20 2025-05-14 | Саясат

Депутат Токтошев жоокерлердин кыйноого алынышы боюнча маселе көтөрдү (видео) 194 0

18:01 2025-05-14 | Маданият, шоу-бизнес

"Аны менден кызганбагыла". Бек Борбиев бирге дуэт аткарган Назима Радбекова тууралуу пост жазды 1500 0

17:42 2025-05-14 | Саясат

"Чегирткелерге чара көрүү керек". Депутат күзүндө буудай, арпа кымбатташы мүмкүн экенин айтты 365 0

16:43 2025-05-14 | Саясат

Депутат Маматалиев кымбатчылык күчөгөнүн айтты (видео) 764 0

Архив

Комментарийлер (4)

din_tomas

2016-10-04 17:01:01

Кайсы кочодо ?? Сонун китептер бар экен го, эртен барып сатып алат окшойм...

shamkol

2016-10-04 17:14:22

Совет(Ю Абдыракманов)менен Киев көчөлөрүнүн кесилишинде сатат.

boris8907

2016-10-04 17:29:37

Дейл Корнеги, Роберт Киосаки деген улуу психологтордун китептери да бар экен. Алып окугула туугандар. "Кыргыздар" "Война Мир" деген китептерди анча мынча библиотекаданда таппайсын

Riokyrgyz

2016-10-04 17:54:57

Киосокинин Богатый папа,Бедный папа.деген китебин окууну сунуштайм.аябай мыкты китеп.жашоонорду озгортот.

Комментарий калтыруу үчүн өз ысымыңыз менен кириңиз же каттоодон өтүңүз.