Укук коргоочу Токтайым Үмөталиева: "Бийлик Эл аралык сотто Максим Бакиевге утулса, анын доору башталат"

"2010-жылы Конституция Максим Бакиевдин алдыга койгон иштерин аткаруу максатында өзгөртүлгөн". Мындай пикирин бүгүн, 19-октябрда маалымат жыйынында укук коргоочу Токтайым Үмөталиева билдирди.

Маалымат жыйынында Токтайым Үмөталиева Максим Бакиевге тиешелүү иштерди, 2010-жылдагы Конституциянын кандай максатта өзгөртүлгөнүн, ошол эле учурда Баш мыйзамды өзгөртүү үчүн иштелип чыккан быйылкы мыйзам долбоорунун кемчиликтерин айтты.

"Кыргыз Республикасы буга чейин 20дан ашык Эл аралык конвенцияга кол койгон. Ошол кол коюулардын негизинде эл аралык компаниялар өлкөдөгү кен байлыктарды казып, талапка жооп бербегендей иштерди аткарса, анда биз соттошо алабыз. Ал эми азыркы өзгөрөт деп жаткан Конституцияда "жаратылыш, жаныбарлар - мамлекеттин кен байлыгы" деп жазылбай калган. Мындан улам чет өлкөлүк компаниялар келип жаратылышыбызды талкалап кетсе, анда биз соттошо албай калабыз", - деп билдирди Үмөталиева.

Ошол эле учурда укук коргоочу 2009-жылы кыргыз бийлиги "Ак-Кеме" мейманканасын басып алган түрк компаниясына утулуп калганын, ал компания мамлекетке 40 миллион доллар карыз болгонун айтты.

"Буга чейин 3 жолу "Ак-Кеме" мейманканасы боюнча тергөө тобу түзүлдү, бирок прокуратура бул ишти карабай койду. Азыркы башкы прокурор Индира Жолдубаева да "Ак-Кеменин" ишин карабай жатат", - дейт укук коргоочу.

"Бийлик жакында Максим Бакиевге Эл аралык сотто утулат. Бийликтегилер муну билип калышты. Мындан улам элдин көңүлүн Конституцияны өзгөртүүгө, референдумга буруу керектигин ойлоп чыгышты. Алдыда Максим Бакиевдин доору башталды. Мен изилдеп таап чыккан документтерди президент көрсө, төбө чачы тик турат", - деп кошумчалады Үмөталиева.

Маалымат жыйынында укук коргоочу массалык маалымат каражаттары аркылуу президенттен кабыл алууну суранды. Ал 5 жылдан бери президентке кире албай жатканын айтты.

Автор: Акназар Сулайманкулов
Фото: Акназар Сулайманкулов

16:37 19-10-2016

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (3)

Santanna

2016-10-19 17:53:24

Бул АША билет элди кантип алаксытышты,куноолуу саясатчыны кудай жазаласа экен...

-3

Emil0211

2016-10-19 19:46:52

1-Отунбаева,
2-Текебаев,
3-Атамбаев -булар созсуз катуу жазаланыш керек.7-апрелдеги курман болгондор учун,Оштогу курман болгондор учун,жана банктагы жоголгон ячейкалар (акчалар) учун.Анан жаны бийлик келип Бакиевтерди ар бирин кылган куноолоруно жараша жазалап анан ишти таза башташ керек

Emil0211

2016-10-19 19:48:53

Андай болбосо Кыргызстан коркунучтуу абалга келди

-1

Комментарий калтыруу үчүн өз ысымыңыз менен кириңиз же каттоодон өтүңүз.