Мамлекеттик каттоо кызматы: “2012-жылга чейин паспортторго жарандардын үй-бүлөлүк абалы ар түрдүү жазылып келген”

Буга чейин үй-бүлөлүк абалы ар түрдүү жазылган ID-карталар социалдык түйүндөргө жүктөлүп, кызуу талкууга алынган эле. Мамлекеттик каттоо кызматынын басма сөз катчысы Мелис Эржигитов бул кезектеги фотошоп болушу мүмкүн экенин айтып, текшерүү жүргүзүлө турганын жана бул боюнча кошумча маалымат берерин билдирген.

Бүгүн, 20-октябрда өткөн тегерек столдо Мамлекеттик каттоо кызматынын басма сөз катчысы Мелис Эржигитов төмөнкүлөрдү билдирди: “2012-жылга чейин чыккан паспорттордо үй-бүлөлүк абалы “никеси бар” же “никеси жок” жана аялдарга “жесир”, эркектерге “ажырашкан” деп жазылчу. 2012-жылдан кийин Мамлекеттик тил комиссиясынын сунушу менен паспорттогу "үй-бүлөлүк абалы" деген жерге “никелүү” же “никесиз” деген бирдиктүү стандарт киргизилген. Ошондой эле "жесир" деген сөз алынып, аялдарга дагы, эркектерге дагы бирдей “ажырашкан” деп жазылды. Ал эми “күйөөдө эмес” деген жазуусу бар паспорттор чыккан эмес".

2017-жылы бериле турган жаңы биометрикалык паспорттун өзгөчөлүктөрү тууралуу аталган тегерек столдо Мамлекеттик каттоо кызматынын төрагасы Тайырбек Сарпашев: “Жаңы биометрикалык паспорттун артыкчылыгы - анын электрондук форматта болушу. Жарандын үй-бүлөлүк абалы өзгөргөндө ал паспортун мурункудай алмаштырып отурбастан, компьютердик системден “никелүү” же “ажырашкан” деп тез арада өзгөртүү мүмкүнчүлүгүнө ээ болот. Ошондой эле жаңы биометрикалык паспорттор менен акча которуп, сактоо мүмкүнчүлүгү да берилет", - деди.

Автор: Саадат Токтоболот кызы

15:04 20-10-2016

Жазылуу

РУБРИКАДАГЫ СОҢКУ КАБАРЛАР

15:29 2025-05-14 | Коом жана турмуш

15-майга карата аба ырайы 61 0

14:50 2025-05-14 | Саясат

Жогорку Кеңеш министрликке Кендирбаева менен Орозовдун талапкерлигин колдоду 245 0

14:48 2025-05-14 | Саясат

"Бөрк ал десе, баш алгандар". Депутат Алайдын 3 айылында үйлөрдүн 90-95 пайызы бузулуу алдында турганын айтты 349 0

14:32 2025-05-14 | Коом жана турмуш

Чукул билдирүү! Өлкөдө жакынкы күндөрү күн катуу ысыйт 395 0

14:30 2025-05-14 | Кылмыштар, кырсыктар

Милиция Бишкектеги өспүрүмдү сүзүп качкан жигит кармалганын билдирди 381 0

14:13 2025-05-14 | Саясат

Депутат "Таш-Көмүрдө тазаланбаган суудан улам оорулар көбөйүүдө" дейт (видео) 234 0

Архив

Комментарийлер (4)

guli-1980

2016-10-20 15:11:11

Эгер аялы же куйоосу каза болуп калса дагы ажырашкан деп жазылабы?

Aika96

2016-10-20 15:51:39

Акча сактап, акча которуу мумкунчулугунун кереги жок. Элестеткиле, мугалим, врач ж.б госучережденияда иштегендердин абалын, айлык алды дегиче, светке, газга, сууга,деп налок автоматтуу турдо алынып калганын... алдын ала эле.

Aytur

2016-10-20 15:52:51

Мен мурунку паспортумда никеси жок деген жазуу бар эле жакынла жоготуп жаны алдым никесиз деп жазылыптыр.

Marianna77

2016-10-20 15:59:56

2012 -жыл эмес эле 2015 жылдагы менин паспортумда никеси бар быйыл алган жолдошумдун паспортунда никелуу деп турат булар айтса окшошо берет да эми

Комментарий калтыруу үчүн өз ысымыңыз менен кириңиз же каттоодон өтүңүз.