Өзбекстан менен Тажикстан түз аба байланышын жандандыруу ниетинде

Ташкент менен Дүйшөмбүнүн ортосундагы түз аба байланышы 2017-жылдын биринчи жарымында калыбына келиши мүмкүн. Бул тууралуу "Uzbekistan Airways" компаниясынын башкы директору Валерий Тянга шилтеме кылып жергиликтүү ЖМКлар жазышты.

"Ташкент менен Дүйшөмбүнүн ортосундагы каттам "Узбекистон хаво йуллари" Улуттук авиакомпаниясынын жайкы ырааттамасына киргизилет. Бирок каттам андан эрте да ишке киргизилиши мүмкүн, ал үчүн бардык мүмкүнчүлүктөр бар", - деп билдирди өзбек авиакомпаниясынын жетекчиси.

Буга чейин Тажикстандын Транспорт министрлиги да Ташкент менен Дүйшөмбүнүн ортосундагы түз аба байланышын калыбына келтирүү ниети тууралуу билдирген. Мекеме башчысы Шерали Ганжалзода алар тараптан аба транспорту жаатында кызматташуу тууралуу 7 өлкө, анын ичинде Өзбекстан менен макулдашуунун долбоору иштелип чыкканын айткан. Тажикстан коңшу Өзбекстан менен аба байланышын жандандыруу жаатындагы бардык жараяндарды колдойт деген тажик министри.

Өткөн жылдын башында "Узбекистон хаво йуллари" авиакомпаниясы Дүйшөмбү Эл аралык аба майданына кат жөнөткөн. Анда майдандын кызматтарынын баалары жана анын өзбек жүргүнчү ташуучу учактарын кабыл алууга даярдыгынын деңгээли тууралуу маалыматтарды берүү өтүнүчү жазылган. 2015-жылдын апрелинде Дүйшөмбү Эл аралык аба майданынын расмий өкүлү алар Ташкентке тиешелүү маалыматтарды жөнөткөндүктөрүн ырастаган.

Өзбекстан менен Тажикстандын шаарларынын, анын ичинде Ташкент менен Дүйшөмбүнүн ортосундагы аба каттамдары 1992-жылы, Тажикстанда Жарандык согуш башталганда токтотулган.

Автор: Нургазы Аматов

15:37 07-11-2016

Жазылуу

РУБРИКАДАГЫ СОҢКУ КАБАРЛАР

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 406 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 305 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 420 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 1057 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 489 0

22:31 2025-05-13 | Түркүн дүйнө

"15 жылдан 50 жылга чейин". Америкалык рэпер P.Diddy'ге карата сот иши башталды 678 0

Архив

Комментарийлер (9)

tursunbaev78

2016-11-07 16:06:10

Дуйшомбу дебей Душанбе деп жазсанар энчилуу аттар которулбайт жана баш тамга менен жазылат деп окуткан эмеспи?

etaj_rus79

2016-11-07 16:32:41

tursunbaev78,котруп эле айтып келе жатпайбызбы мисалы бейжинг дешибиз керек эле пекин дейбиз чина дешибиз керек эле китай дейбиз

-7

Bayjigit83

2016-11-07 19:09:41

etaj_rus79,
Баракелде,азаматсыын!

-2

bekiw.801

2016-11-07 20:00:29

etaj_rus79,Бейжинг Бейжинг деп эле айтылат, чина бул англисче, кыргызчасы Кытай эле. Орустар бизден кокоторгон китай деп. Дуйшонбу деп илгертен эле айтылган кыргызда...

PatriotKG01

2016-11-08 02:55:26

etaj_rus79,бээжинг менен пекиндин айырмасы Бишкек менен оштой тушунуктуу тилде айтканда.

-2

eldar.

2016-11-07 16:17:11

Негедир азыркы президенти жумушун жакшы жышаан менен баштады. Биз менен дагы мамилени жакшыртып. Ушунусунан жазбасын.

ERCHOROEV

2016-11-07 18:39:59

Эгерде Шавкат Мирзиоев коншулары менен алакасын жакшыртып Каримовдон озгочолонуп коп тосколдуктарды жоюп элдин жашоосун женилдетпесе элдин унун укпаса Озбекстанда да ото кучтуу опозиция бар. Эл бир которулсо 2-Сирия болушу турган иш. Ошого элдин жашоосун женилдетип коп тоскоолдуктарды жоюп женилдетуу менен элди жана опозицияны кармап турбаса эл 27 жылдык айоосуз режимден тажап кокосуна жеткен. Мындай кылбаса эл бир которулот токтотуш ото ото кыйын болот.

take220281

2016-11-07 19:12:24

ERCHOROEV, өзбек эли коркок келет, асманга эки жолу ок атса тырымтыракай жоголуп кетишет.

ERCHOROEV

2016-11-07 21:45:34

take220281, коркок адам болот коркок эл болбойт.

Комментарий калтыруу үчүн өз ысымыңыз менен кириңиз же каттоодон өтүңүз.