Сооронбай Жээнбеков китепканаларды кыскарта турганын айтты

Премьер-министрликке талапкер Сооронбай Жээнбеков өлкөдө китепканалар кыскара турганын айтты. Айылдык китепканаларга эч ким кирбей калганын, алар ашыкча чыгым жаратып жатканын белгилеген Жээнбеков: "Айыл өкмөттүн алдындагы китепканаларга кирип эч ким китеп окубай калды. Азыр интернеттен, уюлдук телефондон эле баарын окуп жатышат. Буга башкача мамиле жасоо зарыл. Китептерди топтоп райондук жана мектептердеги китепканаларды күчөтөбүз", - деп билдирди. Өкмөт башчылыгына талапкер башка ашыкча мамлекеттик органдарды да кыскартуу жаатында иш жасалып жатканын кошумчалады.

Парламентте бүгүн, 9-ноябрда өкмөттүн жаңы курамы каралууда.

Автор: Автандил Добулбеков