ЖЫЛНААМА, 10-НОЯБРЬ: 1919-жылы советтик жана орусиялык курал жасоочу конструктор Михаил Калашников туулган

Советтик жана орусиялык курал жасоочу конструктор Михаил Калашников Орусиянын Алтай аймагынын Курья айылында туулган. Ал үй-бүлөдө 17-бала болгон.

М.Калашников жаштайынан техникага кызыгып, ар кандай механизмдердин иштөө тартиптерин өздөштүргөн. Мектепте окуп жүргөндө физика, геометрия жана адабият сабактарына кызыккан. 9-классты бүтүргөн соң туулган айылында, кийинчерээк Казакстандагы Түркстан-Сибирь темир жол станциясында иштеген.

1938-жылы Кызыл Армияга чакырылып, аскердик кызмат өтөөнү танкалык бөлүктөн баштаган.

М.Калашников аскерде жүрүп танкалык окуу жайын аяктап, курал чыгаруучу заводдо эмгектене баштайт. Ошол жылдары Улуу Ата Мекендик согуш башталып, фронтко жөнөгөн. Согуштан оор жаракат алгандыктан, узак мезгилге чейин ооруканада дарыланып калат. Дарыланып жүрүп совет аскерлери коркоктугунан эмес, куралынын алсыздыгынан окко учуп, чегинип жатат деп намыстанып өзүнүн алгачкы куралын жасап чыккан. Бирок анын тапкычтыгын өзүм билемдикке шылтоолошуп кылмыш деп табышып, жазалоого өкүм чыгарышат. Анын ойлоп тапканы жөнөкөй нерсе эмес экенин кокустан байкап калган аскер чиновниги аны түрмөдөн сактап калган.

М.Калашников көптөгөн чыгаан куралчылардан сабак алып, өзүнүн алгачкы куралдарын иштеп чыгып, бирок колдоо таба албай көпкө кыйналат. Согуштан кийинки мезгилдерде армияга мыкты автомат талап кылынып, көптөгөн таланттуу ойлоп табуучулар куралдын үстүнөн иштей башташат. Жогорку чиндеги тажрыйбалуу куралчылардын арасынан ага сержант, үйрөнчүк куралчы, 27 жаштагы М.Калашников жеңип чыккан. Ал ойлоп тапкан куралды саздын баткагына, ылай менен кумга ташташып, күндүн ысыгына куйкалашып оор сыноодон өткөрүшөт. Ага карабай автомат кынтыксыз иштеп кеткен. Ошентип, 1949-жылы “АК-47” деген ат менен 7,62 миллиметрлик калибрдеги Калашников автоматы куралдар арсеналына кабыл алынган. М.Калашниковго бул эмгеги үчүн 1-даражадагы Сталин сыйлыгы ыйгарылган.

Легендарлуу курал конструктору М.Калашников 2013-жылы 23-декабрда 94 жаш курагында каза тапкан. Маалыматка ылайык, 17-ноябрда ал ашказанында как кетүү диагнозу менен ооруканага жаткан. М.Калашниковдун музейи 2013-жылы өзүнүн айылында ачылган. Ал 6 китеп жазып, Орусиядагы ири илимий мекеме-уюмдардын мүчөсү болгон.

10-ноябрга карата жылнаама.

Автор: Саадат Токтоболот кызы

16:40 10-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (3)

adilbars

2016-11-10 16:59:53

Тирүүндө эле тозокко путевка алса керек! Анын ойлоп тапкан куралы дүйнөнүн жарымын кырып койду го!

-4

gena_alai

2016-11-10 17:23:04

adilbars,сен ошентип ойлоптурсун! бирок бул куралды душмандан коргонуу учунда пайдаланышып канчалаган адамдрга пайдасы да тийгендир анан тозоко же жаннатка экенин экобуз бул жакта отуруп биле албайбыз мынтип жазган туура эмес!

azamat.k

2016-11-10 20:26:15

Карыганда олор алдында озу да курал ойлоп тапканы учун окунуп айткан интервьюсу бар.Автоматы канчалаган омурлорду алып кетти.

Комментарий калтыруу үчүн өз ысымыңыз менен кириңиз же каттоодон өтүңүз.