Акыркы күн! SUPER.KG порталынын 10 жылдыгына арналган сынакка катышууга жетишиңиз

Быйыл SUPER.KG порталы 10 жылдык мааракесин белгилеп жатат. Эсиңиздерге салсак, мунун урматына 16-августта окурмандарыбыз үчүн видеосынак жарыялаганбыз. Сынактын эрежелери боюнча катышуучулар SUPER.KG порталын 10 жылдыгы менен куттуктап, узактыгы 3 мүнөткө жетпеген сапаттуу видео жөнөтүшү керек. Сынак жарыялангандан бери дарегибизге көптөгөн видеолор жөнөтүлүп жатат. Арасынан талапка жооп бергендери "Медиа-порталдагы" "Элдик видео" бөлүмүнүн "SUPER.KG 10 жашта" рубрикасына жүктөлүүдө. Учурда бул рубрикага жүктөлгөн видеолордун саны 38ге жетти. Бүгүн, 16-ноябрда саат 18:00дө видео кабыл алуу токтотулат. Редакциянын чечими менен жакшы делген 10 видео тандалып, 18-ноябрдан 28-ноябрга чейин порталга добуш берүүгө коюлат. Жеңүүчүлөр добуш берүүнүн жыйынтыгы менен окурмандар тарабынан аныкталат. Эң көп добуш алган алдынкы 3 видео жеңүүчү аталып, ээлери баалуу байгелер менен сыйланышат. Белектер үстүбүздөгү жылдын 9-декабрында SUPER.KG порталынын 10 жылдыгына карата уюштурулган концерттик программада сахнадан ыйгарыларын эскертебиз.

Видеону кабыл алуу мөөнөтү аяктап бара жатат, андыктан шашылыңыздар! Бүгүн акыркы күн. Катышуучуларга ийгилик!

Автор: Үмүт Абдраимова