Чет өлкөлүк жарандар үчүн 5 күн ичинде каттоодон өтүү милдетин жоюу сунушталууда

11-ноябрда Мамлекеттик каттоо кызматы Кыргыз Республикасынын Өкмөтүнө чет өлкөлүк жарандар үчүн 5 күн ичинде каттоодон өтүү милдетин жоюуну сунуштады. Бул тууралуу Мамлекеттик каттоо кызматынын басма сөз кызматы бүгүн, 14-ноябрда кабарлады.

"Кыргыз Республикасынын "Тышкы миграция" мыйзамына киргизилген түзөтүүлөргө чейин да өлкөгө кирген чет элдиктер сөзсүз түрдө каттоодон өтүшү керек деген талап бар болчу. Бирок 5 күн эмес, 30, 60, 90 күндүк мөөнөт берилген. Бул мөөнөт башка өлкөнүн Кыргыз Республикасы менен түзүлгөн келишимине ылайык болчу", - деп билдирди басма сөз кызматы.

Мындай келишимдер көптөгөн чет өлкөлөр менен түзүлгөн. 4-ноябрда киргизилген түзөтүү ал келишимдердин баарын жокко чыгарды. Кыргыз мамлекети менен эл аралык келишим бар өлкөнүн жарандарына жеңилдиктер каралган. Бирок ал келишим Орусия менен гана түзүлгөнү маалым болду.

"Азыркы түзөтүлгөн мыйзамга ылайык, чет өлкөлүк жарандар чек арадан өткөн соң 5 жумушчу күндөн ашпай каттоого турушу керек. Мындан улам чет элдик жарандарда көп суроолор, нааразычылыктар пайда болууда. Каттоодон өтүү үчүн алар убактылуу токтогон жайынын, анын ээсинин, өзүнүн документтерин паспорттук столго ала келип, каттоого 100 сом, банктык тейлөөгө 20 сом төлөшү керек", - деди басма сөз кызматынын адиси.

Мындай талап өлкөбүзгө 5-10 күнгө келген турист үчүн каттоого турууну машакат чегүүгө айлантат. Андан тышкары милдеттүү түрдө каттоого тургузуу башка чет өлкөлөр менен болгон мамилени суутушу ыктымал.

"Сунушталган долбоор боюнча тизмеге кирген өлкөлөрдүн жарандары каттоого туруу милдетинен 30 күнгө чейин бошотулушат", - дейт адис.

Автор: Үмүт Абдраимова
Фото: Интернеттен алынды

17:00 14-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (5)

alibekova94

2016-11-14 17:43:38

Туура эле кылатко дейм.. Озубуз деле чет олкодо журобуз тушунобуз ))

plaza85

2016-11-14 18:49:17

Чондорго акча эле керек мамлекеттин коопсуздугу аларга эч кандай мааниге ээ эмес. Закондун баарын жойуп салгыла.

Kroxa

2016-11-14 20:13:12

Эптеп акча ондуруп жатышат ушунусу туура эмес орусия менен деле 90 кун кылса жакшы болмок,,

zarlyk2211

2016-11-15 03:21:53

30 күндүк убакыт жакшы эле. 5күн туура келбей калат.

AKCAHAT

2016-11-15 10:39:40

Бул жон гана акча ондуруу биринчи Кыргызстан ошого даярбы озу? Паспорт столго барсан бардак очред кечээ Кыргызстанга келген турист кантип отот . Англис тилдуу ишчилер болуш керек ал да жок. Биринчи ошого шарт тузушу керек акча ондуроодон мурун. Эптеп ошол 15 кунго келген туристти да тоноп алышса. Болбогон закон.

Комментарий калтыруу үчүн өз ысымыңыз менен кириңиз же каттоодон өтүңүз.