700 грамм болуп төрөлгөн кыздын энеси: "Ара төрөлгөн баланы багууда өзгөчө камкордук талап кылынат"

700 грамм болуп төрөлгөн кызы Бегайым азыр 3 жашта

Кечээ, 17-ноябрда Ара төрөлгөн балдардын бүткүл дүйнөлүк күнү белгиленип, бул күндүн урматына борбор калаадагы Улуттук эне жана баланы коргоо борборунда майрамдык иш-чара уюштурулган. Аталган иш-чарага катышкан Гүлзар Кыдырбаева мындан 3 жыл мурун тун наристеси маалынан эрте төрөлүп, 700 грамм салмакта болгонун айтат.

"Кош бойлуу кезимде кан басымым жогорулап кетип, өмүрүмдү сактап калуу үчүн ичимдеги бала 26 жумалык болуп, 6 айга жакындап калганда төрөтүп алышкан. Кызым Бегайым 700 грамм болуп төрөлгөн. Эне жана баланы коргоо борборуна 800 грамм менен келип түшкөнбүз. Ооруканадан 1 килограмм болгондо чыкканбыз", - дейт эне.

Гүлзар Кыдырбаева ара төрөлгөн баланы багуу өзгөчө камкордукту талап кыларын, дайыма дарыгердин көзөмөлүндө болуу керектигин, тез-тез эле ооруп кала берерин айтат.

"6 айлык балдардын башы эле болот экен, анан денеси өсүп жетилгенче бир топ убакыт кетет. Сүтүм жарабай калып, кургак сүт, аралашма менен бакканга туура келди. Акча жагынан да бир топ кыйналдык. Көп мээнет, кыйынчылыктар менен чоңойттук, азыр баарын сөз менен айтып берип, жеткирүү мүмкүн эмес. Дарыгерлерге ыраазыбыз, абдан жакшы карап жатышты. Мындай балдар күн сайын эле ооруй беришет экен. Ооруган сайын дарыгер менен байланышып, ооруканага алып келебиз. Башында суу көп болуп, бутуна массаж жасоо зарыл болгондуктан, көп ооруканаларды кыдырып жүрдүк. Кудайга шүгүр, азыр жакшы, чоңоюп калды. Учурда кызым ырдайт, бийлейт. 3 жаштагы балдарга теңелип калды. Ара төрөлгөн баланы багуу кыйын экен. Кыска убакытта чачым агарып кетти", - деп күлдү.

"Азыр 3-4 жылдан бери көрүшө элек тааныштарым көрүп калса, "Ушунчалык кыйналдыңбы? Чачың агарып кетиптир" деп айтып калышат. Өзүм 29 жашымда турмушка чыккам, 30 жашымда төрөдүм. Жашка да карайт экен, андыктан жаш кыздарга эртерээк күйөөгө чыгып, эрте төрөгүлө деп айтар элем", - деп сөзүн жыйынтыктады Г.Кыдырбаева.

Автор: Турсунай Алымкулова
Фото: Гүлзар Кыдырбаева

10:09 18-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 124 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 103 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 62 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 153 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 553 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 267 0

Архив

Комментарийлер (16)

sama1212

2016-11-18 10:16:59

Ошон үчүн айтылатда энелерге даңк деп
Кудайым эки дүйнө бактылуулукту насип этсин ылайым эне балага
Кудайым балага өмүр берген экен
Чың ден соолук кошуп берген болсун мындан ары

+15

gordaya

2016-11-18 10:19:28

иий жаны десе!

nazgul90

2016-11-18 10:32:52

Эжэ Аллахым суйгон пендеси болунуз. Бактылуу кыздардан болсун.

momun74

2016-11-18 10:36:15

Ма Ша Алла бизда балдарыбыз ара торолгон эгиздер смесь мн бактыкко акчажагынанго кыйналбадык ара торолгон балага аябай кылдат караш керек экен кудайга шугур азыр эки жарым жаш болуп калышты баары жайында атаке апаке дегенде эзилип Аллага шугурчулук келтирем

ayushka

2016-11-18 10:38:18

Тфу тфу коз тийбесин данектей кыз болуптур омуру узуун бактылуу кыздардан болсун

adyl.xxxxx

2016-11-18 10:40:24

Ошон үчүн аялыңарды аздектеп, оор жумуш жасатпай, көп - көп эркелетип, жакшы - жакшы тамактандырып жүргүлө.

+14

adyl.xxxxx

2016-11-18 10:50:09

Эркек аялды багам, аздектеп карайм деп алат, аял эркеке аманат, аманатка кыянат кылбаш керек.

adyl.xxxxx

2016-11-18 10:52:05

Аманат үчүн сурак катуу болот. аял кул болууга эмес, гүл болууга татыктуу.

adyl.xxxxx

2016-11-18 10:53:09

Гүлдү да карап баксаң кандай бажырайып гүлдөйт, аял да ошол гүл сыяктуу. Эркелетип караган сайын ачылат.

kani135

2016-11-18 11:14:20

Мен да ара торолгондун катарында экенмин да)))

Begimay.emir1

2016-11-18 11:18:17

Сонун болуп чоноюп калыптыр. Омуру узун кыз болсун

Ibragim06

2016-11-18 11:52:40

Аман эле болуңуз .Алла колдосун сиздерди

Oreanda

2016-11-18 12:15:41

Аябай ширин кыз болуптур,мындан ары да Кудайым ден соолугунду бекем кылып Ата-эненди кубантып журо бер!

anarhan

2016-11-18 14:44:35

Акылдуу кыз болсун

gulmira96

2016-11-18 16:24:12

Аллахым омурун берсин, соонун кыз болуп чоноюп калыптыр. Апасына рахмат ошончо азап тозок тартып, акыбети кайтыптыр.

Комментарий калтыруу үчүн өз ысымыңыз менен кириңиз же каттоодон өтүңүз.