"Тазалык" ишканасы: "Мындай аба ырайында жолдорго туз, кум чачуу ашыкча чыгым болот"

Бүгүн, 18-ноябрда Бишкектин Жибек-Жолу кең көчөсү менен Эркиндик бульварынын кесилишинде жол кырсыгы катталды. Эркиндик бульвары менен түндүк тарапты көздөй бараткан Subaru үлгүсүндөгү жеңил автоунаа жолдун четиндеги бордюрдан ашып кеткен.

Айдоочу кырсык жолдун тайгалактыгынан орун алганын, өзү жаракат албаганын айтты. Кырсыктан улам унаанын алдындагы жарык берүүчү фарасы сынып кеткен. Унаада айдоочудан башка эч ким болгон эмес. Мындан тышкары бүгүн Бах көчөсүндө да троллейбусту жүргүнчү ташуучу автобус сүзгөнү белгилүү болду. Кырсыктын күбөлөрүнүн айтымында, автобус жол тайгак болгон үчүн токтой албай калган.

"Тазалык" ишканасы туз, кум чачуу иштерин баштай электигин SUPER.KG порталына билдирип, кырсыктарды айдоочулардын этиятсыздыгы менен байланыштырды.

"Бүгүн бир да жолго туз, кум чачылган жок. Кар калың жаап, тайгалак күч болуп, жолдогу муз эрибей калганда гана чача баштайбыз. Мындай аба ырайында туз, кум чачуу ашыкча чыгым болот. Ал эми тротуарларга көп сеппейбиз. Адам көп баскан жерлерге же кайрылуу түшкөн учурларда гана себилет. Айдоочулардын кырсыкка учурашы өздөрүнө байланыштуу. Бизде быйылкы кышка жетерлик каражат даярдалган", - дейт "Тазалыктын" ишти пландоо бөлүмүнүн башчысы Мурат Эсенов.

Ал эми Бишкек шаардык мэриясы айдоочуларды абайлап жүрүүгө чакырды.

Автор: Акназар Сулайманкулов
Фото: Акназар Сулайманкулов

10:44 18-11-2016

Жазылуу

РУБРИКАДАГЫ СОҢКУ КАБАРЛАР

22:31 2025-05-13 | Түркүн дүйнө

"15 жылдан 50 жылга чейин". Америкалык рэпер P.Diddy'ге карата сот иши башталды 137 0

22:30 2025-05-13 | Бизнес-Инфо

BakAi Копилка менен акча өзүнөн-өзү топтолот! 81 0

21:53 2025-05-13 | Кылмыштар, кырсыктар

Бишкекте аялын жумушунан кызганычтан улам уурдап кеткен киши кармалды (видео) 512 0

21:37 2025-05-13 | Кылмыштар, кырсыктар

Кочкордо дайынсыз жоголгон 16 жаштагы кыз Жумгалдан табылды 415 0

21:10 2025-05-13 | Коом жана турмуш

"Жөө үйрөтпөдүңүзбү". Ош шаарынын мэринен унаа алган милициянын башчысы аны менен тамашалашты (видео) 1184 0

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 654 0

Архив

Комментарийлер (7)

nur1996

2016-11-18 11:21:50

Буларга эмне 2метр кар жааганда чачышабы негизи тузду жолго кар жаап жатканда чачыш керек го ээрип кетуусу учун, андай болсо тузунарды сактап олтура бергиле жайында уйунорго салып кетесинер!

Mongol1155

2016-11-18 11:26:46

Анда жайында чачкылаааааа....

Kroxa

2016-11-18 11:44:40

Калын жаамак беле Бишкеке ушундай эле жаайт да...

maks94.kb

2016-11-18 12:25:39

Буларга Адам омурунон да кум м.н туз маанилуу окшойтко адамдардын кырсыктап жатат жол тайгак болгондуктан бираз болсо да ойлонуп Корсо болмок

jakilik

2016-11-18 12:34:24

Бизде эмнеге ушундай начар адамдар иштейт. Эх.

Medina87

2016-11-18 14:35:47

Кар 5см жааса реагенттер(туз,кум) себилуусу шарт экен.

Neizvestno777

2016-11-19 04:34:54

Тооба кар калын жаганда деп ,аман эле болгулачы

Комментарий калтыруу үчүн өз ысымыңыз менен кириңиз же каттоодон өтүңүз.