Кара-Кулжа районунда 4 күндөн бери байланышка чыга элек чабандардын абалы жакшы экени белгилүү болду

Кара-Кулжа районунун Казык жайытында 4 күндөн бери байланышка чыга элек чабандардын абалы жакшы. Бул тууралуу бүгүн, 21-ноябрда Өзгөчө кырдаалдар министрлигинен билдиришти.

Маалыматка караганда, буга чейин Казык жайытында 3 чабан 800 кою менен калганы жана 17-ноябрдан бери алардан кабар жок экени айтылган. Ал жакта издөө-куткаруу иштерин жүргүзүү үчүн куткаруучулар жүк ташуучу КамАЗ унаасына 1 даана кардуу жерде жүрүүчү унаа жана 1 даана жол тандабас жүктөп, саат 15:30да чыгып кетишкен.

Акыркы маалымат боюнча, 3 чабандын абалы жакшы экени белгилүү болду. Биринин малга деген тоюту түгөнүп калган.

Автор: Бекжан Рыскулов