Курч мүнөздөгү респиратордук вирус инфекциясы күч алууда

Курч мүнөздөгү респиратордук вирус инфекциясы күч алууда. Бул тууралуу "Тез жардам" станциясы кабарлайт.

"Акыркы күндөрү "Тез жардам" станциясына болгон кайрылуулардын саны жогорулады. Курч мүнөздөгү респиратордук вирус инфекциясы менен жабыркагандар көбөйдү, өзгөчө кичинекей балдар арасында. Тилекке каршы, өз убагында жардам берүүгө ресурстар жетишсиз, мындан улам жардам кечигүү менен көрсөтүлүп жатат", - деп айтылат маалыматта.

Сутка ичинде "103" кызматына 1029 кайрылуу түшүп, аларды 38 бригада тейлеген.

"Тез жардамды" дене табын түшүрүү үчүн дары сайдырууга да чакырып жатышат. Андай дары сайылбай турганын эскертебиз. Баланын дене табын түшүрүү үчүн дары берип, комната температурасындагы суу менен сүртүп гана түшүрүү керек. Ошондой эле балдарга аспирин берүүгө болбойт", - деп эскертилет маалыматта.

Тургундарга кеңеш:

1. Эгер ооруп калсаңыз, үйдөн чыкпаңыз, балдарды мектепке, бала бакчага жибербеңиз, себеби инфекция тарап кетиши мүмкүн;

2. Ооруга чалдыкпоо үчүн сасык тумоо менен ооруган адамдардан алыс болуңуз;

3. Жөтөлсөңүз же чүчкүрсөңүз жүз аарчыны колдонуңуз;

4. Колуңузду самындап жууп, спирт кошулган каражат менен сүртүп туруңуз;

5. Мүмкүн болсо эл көп чогулган жерде көп убакыт өткөрбөңүз;

6. Бөлмөлөрдүн терезелерин ачып бөлмөнү желдетип туруңуз;

7. Туура тамактанып, активдүү болуңуз;

8. Эгер ооруп үйдө болсоңуз, ооруну жайылтпоо үчүн медициналык бет капты тагынып жүрүңүз;

9. Ооруп калган адамды өзүнчө бөлмөгө жаткырып, өзүнчө идиш, бет аарчы бериңиз;

10. Курч мүнөздөгү респиратордук вирус инфекциясына антибиотик жардам бербейт;

11. Дене табыңыз жогору болсо, жеңил кийиниңиз.

Автор: Үмүт Абдраимова
Фото: Интернеттен алынды

08:47 30-11-2016

Жазылуу

РУБРИКАДАГЫ СОҢКУ КАБАРЛАР

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 84 0

20:20 2025-05-13 | Коом жана турмуш

Ош шаарынын мэри Токторбаев орун басарларына жаңы унааларды тапшырды (видео) 368 0

20:03 2025-05-13 | Саясат

Депутат Сулайманов эки жетекчиден кызматтан кетер-кетпесин сурады (видео) 338 0

19:31 2025-05-13 | Коом жана турмуш

Ошто салынган эки деңгээлдүү көчө жарыктандырылды (видео) 463 0

19:18 2025-05-13 | Кылмыштар, кырсыктар

Ат-Башыда катуу шамал көп батирлүү үйдүн чатырын учуруп кетти 284 0

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 339 0

Архив

Комментарийлер (5)

aruuke0000

2016-11-30 11:27:08

Сураныч бул оорунун сасык тумоодон айырмачылыгы барбы? Оорунун белгилери тууралуу билип бергилечи.

madina.87

2016-11-30 11:47:52

aruuke0000,бул оору ОРВИ деп айтылат медицинада.
Острый респираторный вирусный инфекция.
ОРВИнин отушуп кеткени грипп болот.

Kanzada97

2016-11-30 11:47:08

курч муноздуу ал кандай оору

Aytur

2016-11-30 13:07:40

Тамак кырылдап жотол басылбай жатат балдарымда.
Ооруканага алып барып корсотсом лечение жазып берди температура болбой аппетит ачылды бирок жотол басылган жок. 2 - ирет алып барып дагы дары жаздырып ичирдим жардам бербей жатат.

Kroxa

2016-11-30 19:58:36

Алоенин ширесине бал кошуп сироп кылып бергиле балдарга берсем 2 кундо жотолу жоголду...

Комментарий калтыруу үчүн өз ысымыңыз менен кириңиз же каттоодон өтүңүз.