Кыргыз жергесинде биринчи балдар хосписи ачылды

Бүгүн, 19-декабрда Кыргыз жергесинде биринчи балдар хосписинин салтанаттуу ачылышы болуп өттү. Бул тууралуу Бишкек шаардык мэриясынын басма сөз кызматы билдирди.

“Жардам берүү оңой” коомдук фондунун жана Кыргыз Республикасында алгачкы балдар хосписинин негиздөөчүсү Динара Аляева мурдатан шаардык муниципалитетке балдар хосписин уюштуруу үчүн имарат бөлүү өтүнүчү менен кайрылган. Бишкек шаарынын мэриясы кайрылууну карап, 2016-жылдын 29-ноябрында Жаш Гвардия бульвары, №71 “А” дарегинде жайгашкан имараттан бөлмөлөрдү бөлүштүрүп берген.

"Мурда ал имаратта шаардык №2-балдар кургак учук ооруканасы жайгашкан. Стационардык дарыланууга муктаж болгон кургак учук менен ооруган балдардын саны азайгандыгына байланыштуу жана Бишкек шаарында кургак учукка каршы күрөшүү кызматын оптималдаштыруу максатында аталган оорукана жоюлган. Эми имаратта алгачкы балдар хосписи жайгаштырылат жана келечекте республикалык паллиативдик жардам көрсөтүү борбору катары трансформацияланат. Ал эми имараттын башка бөлүгүнө медициналык тез жардам кызматынын дагы бир көмөкчү чордонун жайгаштыруу белгиленүүдө, ал шаардын түндүк-батышынын тургундарын тейлемекчи", - деп айтылат маалыматта.

Хоспис 10 балага ылайыкташтырылды жана жалпы аянты 500 чарчы метрди түзүп, ашкана, процедуралык жана окуу бөлмөлөрү менен жабдылган. Биринчи балдар хосписин оңдоо иштерине 3 миллион сом коротулду, анын ичинен 1,7 миллионун Алмазбек Атамбаев жана 1,3 миллион сому мэрия тарабынан бөлүнгөнү айтылат маалыматта.

Хоспис - коммерциялык эмес социалдык уюм болуп, оор илдетке кабылган адамдарды кароочу медициналык мекеме.

Автор: Үмүт Абдраимова
Фото: Бишкек шаардык мэриясы

17:57 19-12-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 124 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 103 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 62 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 153 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 553 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 267 0

Архив

Комментарийлер (8)

Shirin_N88

2016-12-19 18:01:12

Хоспис бул .....жай беле ,Аллахым эч бир балага оору бербесин .Алтындай болгон балдар эч качан оорубасынчы

Revolyutsiya

2016-12-19 18:27:32

Ачканга жараша 40-50 балага ылайыктап ачпаптыр да эч болбосо. 10 баланын артынан 20 кызматкерге маяна толоо нерационально. Бул ортодогу акчаны жео аракетинин бири сыяктуу го.

-FREEDOM-

2016-12-19 20:59:04

Хоспис дегенди мен бир жерден башкача окудум эле. Мага кенири тушундуруп бергилечи сураныч.

yakutiya-Mirnyi

2016-12-19 21:20:23

-FREEDOM-,Хоспис это типо больницы,только там лежат уже неизлечимо больные,которым жить осталось несколько дней.в европах очень много хосписов,у нас это первый детский,по моему ещё один есть насколько я знаю,но там взрослые

-1

yakutiya-Mirnyi

2016-12-19 21:21:12

т.есть проводят последние дни жизни

ainura220888

2016-12-20 02:11:49

Уч милионго он жакшы кровать алып койбойбу ар ким чыгарып койгон совет учурундагы кроватарды коюп койбой. Кухнясынан башкасы баары эскилер эле экен. Кухня деле максимум 30,000сом турат. 500км шыбап полун потологун жылуулаганда деле 1500000максимум кетмек.

ainura220888

2016-12-20 02:14:51

Хосписте иштеген оор болсо керек бир жагынан. Коз алдында кичинекей бала жан берет сактап калайын дейсин колунан эч нерсе келбейт((( менимче уйдо бир тууган ата эне бала чаканын алдында жан берген жакшы болсо керек.

-FREEDOM-

2016-12-20 19:22:09

Кудай сактасын тообо кылдым. Балдар оорубасынчы эч качан.

Комментарий калтыруу үчүн өз ысымыңыз менен кириңиз же каттоодон өтүңүз.