Бишкек-Ош унаа жолунун "Сосновка" постунда жылынуучу жай уюштурулду

Бишкек-Ош унаа жолунун "Сосновка" постунда жылынуучу жай уюштурулду. Бул тууралуу бүгүн, 23-декабрда Өзгөчө кырдаалдар министрлигинин басма сөз кызматы билдирди.

Маалыматка караганда, Бишкек-Ош унаа жолунун "Сосновка" постунда турган жүргүнчүлөр үчүн Өзгөчө кырдаалдар министрлигинин Жайыл райондук бөлүмү жана Жарандык коргонуунун күчү жана каражаттары менен ысык тамак берүү жана жылынуучу пункттар уюштурулду.

Айта кетсек, 22-декабрь күнү саат 18:30да аба ырайына байланыштуу Бишкек-Ош унаа жолундагы “Сосновка” постунда оор жүк ташуучу унааларга, саат 22:30да жеңил унааларга чектөө коюлуп, 23-декабрь күнү саат 05:30да жеңил унааларга коюлган чектөө алынган. Бирок унаа жолго кар көчкү түшүп жаткандыгына байланыштуу айрым учурларда бардык унаа түрлөрүнө чектөө киргизилүүдө. Мындан улам “Сосновка” постунда айдоочулар жана жүргүнчүлөр күтүп калышууда.

Автор: Бекжан Рыскулов