Президент Алмазбек Атамбаев 2017-жылды Ыйман, адеп жана маданият жылы деп жарыялады

Кыргыз Республикасынын Президенти Алмазбек Атамбаев, бүгүн, 5-январда “2017-жылды Ыйман, адеп жана маданият жылы деп жарыялоо жөнүндө” жарлыкка кол койду. Бул тууралуу КРнын Президентинин Аппаратынын маалыматтык-саясат бөлүмү билдирди.

“Дүйнөлүк өнүгүү багыттары жана жаңы технологиялар Кыргыз Республикасында оң өзгөрүүлөр, мүмкүнчүлүктөр менен катар эле жаңы сыноолорду пайда кылды. Бул шартта өлкөнүн стратегиялык өнүгүү максаттарына жетүү үчүн мамлекеттин жана коомдун бардык күч-аракетин адамга, анын адеп-ыйманына жана руханий дүйнөсүнө багыттоо зарыл.

2016-жылы өткөрүлгөн Тарых жана маданият жылы жалпы колдоого ээ болуп, элибиздин тарыхый жана маданий мурасынын түгөнгүс кудурет-күчүн ачып көрсөттү жана жаңы кыргыз коомун түзүүгө негиз болгудай пайдубал бар экенин ырастады.

Өлкөбүздүн башкы байлыгы – анын жарандары. Учурда кыргыз элинин мезгил сыноосунан өткөн руханий жана адеп-ыймандык асыл нарктары менен алдынкы дүйнө таанымды айкалыштырган ар тараптан жетик инсанды калыптандыруунун мааниси өстү. Ушул максатта өзгөчө күч-аракет балдар менен жаштарга багытталууга тийиш. Калкыбыздын жарымынан көбүн 25 жашка чейинкилер түзөт, алар - Кыргыз Республикасынын негизги ресурсу, келечектеги бакубаттыктын уюткусу.

Кыргыз мамлекетинин ийгиликтүү өнүгүшү үчүн жарандарыбыз, жаштарыбыз адептүү жана ыймандуу, терең билимдүү, башка ой-пикирлер менен көз караштарга сабырдуу болуп тарбияланууга жана өз элинин тарыхы менен маданиятын билүүгө тийиш. Ошондуктан азыркы шартта заманбап билим берүү, маданият жана маалымат саясатын калыптандыруу, өз тарыхыбыз менен маданиятыбызга таянуу аркылуу таалим-тарбия системин түзүү мамлекеттин маанилүү милдети болуп саналат.

Кыргыз Республикасынын стратегиялык милдеттерин жүзөгө ашыруу, мамлекет менен коомдун күч-аракетин түздөн-түз адамга, анын руханий дүйнөсүнө, адеп-ыйманына жана маданиятына багыттоо максатында, ошондой эле коомчулуктун кайрылууларын эске алып Кыргыз Республикасында 2017-жыл "Ыйман, адеп жана маданият жылы" деп жарыялансын", - деп жазылат жарлыкта.

Ошондой эле Кыргыз Республикасынын Өкмөтүнө Ыйман, адеп жана маданият жылын өткөрүү боюнча уюштуруу комитетин жарандык коомдун өкүлдөрүнүн катышуусу менен түзүү, Ыйман, адеп жана маданият жылын өткөрүү боюнча иш-чаралар планын бир ай ичинде иштеп чыгуу сунушталды.

Бул жарлык расмий жарыяланган күндөн тартып күчүнө кирет.

Автор: Үмүт Абдраимова
Фото: Интернеттен алынды

14:59 05-01-2017

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 455 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 317 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 236 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 336 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 868 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 418 0

Архив

Комментарийлер (17)

adidilet

2017-01-05 15:51:53

маданият жылы дей берет же анысы онолсочу...

nalukg

2017-01-05 15:52:57

Президенттин созу соз ит уроберет кербен журо берет эч кандай айыбы жок. Болсо болгондур берекелуу жыл болсун. Башкысы ыйман адеп маданият мааниси жакын эле создор

Basko94

2017-01-05 15:56:04

Ыйман,адептин балакетин алгыр

-7

Grand

2017-01-05 16:28:05

АША Кытайга учуп кетиптир, карызга акча алганы. 5 миллиардка жеткиретко мындай кетсек.

PERSONAL

2017-01-05 16:43:50

Без толк эле атай берет экенда. 26 жылдан бери атап келишет же толк чыкпайт.

Aman97kg

2017-01-05 16:54:41

Президент мынча еле маданият жылын жылда кыла берет андан коро Уркундун 101жылдыгы десе жакшы болот

Riokyrgyz

2017-01-05 17:06:49

Экономикалык онугуу жылы деп мамлекетти онуктурсо болмок,оной жагына качпай.

MAN-CITY

2017-01-05 18:24:47

Ыйманды оздорунон баштасынчы биринчи, эгер бийликтегилер ЫЙМАН эмне экенин толук билишкенде Кыргызстанда беш жылда жакшы озгоруулор болот эле.

asad345

2017-01-05 19:10:57

Башчыбыз болуп АША,
Акча сурап ар жактан ШАША,
Айта берип ар нерсени,
Баарын кылды КАША

Azizbek.kg8

2017-01-05 19:14:06

Ыймандан адашкандар көп болууда менимче туура эле ыймандуулукка маданиятуулука чакырган жыл болсун.жогорудагыларда ыймандуулукка болуп мамлекетин буджет тине кол салууну токтотсун

KGstan1981

2017-01-05 21:32:36

Андан коро Ондуруш жылы деп жарыябайбы.Мына 6 жылдан бери Алмазбек Шаршенович бир дагын завод ачпады.Инвесторлорду таап завод ачканда мин деген эл Россияга барбай озубуздо заводтордо иштешет эле.Мына К.С.Бакиев Кызыл-Кыяда цемент завод ачып ишке салып койгон экен азыр ошол заводто минден ашуу жергиликтуу элдер иштеп жатышат.

Zynk.kg

2017-01-05 22:02:07

KGstan1981,Туура айтасын 5 жылда бирда завод фабрика ачпады только расход.

kemel81

2017-01-05 22:17:56

Ордок жылы деп койбоптур.

Bekzamann

2017-01-06 00:19:19

Мен башкача аталыш куткон элем... Маданият болбоду беле. Мисалы экономика, укук, ден-соолук, социалдык колдоолор, инвесторлорду колдоо тартуу жана башка ушул сыяктуу....

aitiem

2017-01-06 00:49:04

Жылда эле паланча жылы болот Кыргызстанда толку жок,кайра баржок сокращение болот же сатылмай,ээлеп алмай болот!

tynara81

2017-01-06 12:19:23

Өздөрүнөн баштасынчы,ыймандуу, адептүү болуп...

Комментарий калтыруу үчүн өз ысымыңыз менен кириңиз же каттоодон өтүңүз.