Кирүү

СУПЕРСТАН: "Унаада баратканда көңүл айланып, кыйналасызбы?"

SUPER.KG порталынын "Суперстан" бөлүмүндө "Унаада баратканда көңүл айланып, кыйналасызбы?" деген тема талкууга алынууда.

Темадагы билдирүүлөрдөн:

"Ушул нерсенин айынан ар дайым такси менен жүргөнгө туура келет, анда да сөзсүз дары ичем. Машинадан түшкөндөн кийин да өзүмдү 4-5 саат начар сезип калам. Ушул нерсенин айынан көп жерге да бара албай жүрөм".

"Мындай көйгөй менде да бар, көңүлүм айланып туруп алат. Мындай нерсе каны аз адамдарда болсо керек".

"Мен да ошондой болчумун, бирок бара-бара азайып баратат.

1-ыкма: Жолго чыгардан 1 саат мурун тамактаныңыз.
2-ыкма: Ачуу татымалдарын көп колдонуңуз.
3-ыкма. Колуңузга муздак таш же муз кармап алыңыз.
4-ыкма. Ар дайым шамал кире турган жерге отуруңуз.
Мына ушуларды колдонуп, жардамын көргөм".

"Тоолуу шартта, таза абада өскөн, айран-сүт ичип чоңойгондор ошондой болушат".

"Ашказан, ичегилерине суук тийип калган адамдар ошентип кыйналышат".

"Жаш кезинде транспортто аз жүргөндөр ушундай болот. Менде маселе жок, шүгүр, машинада бирөө кусуп жатса да куспайм".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы
Фото: Интернеттен алынган сүрөт