СУПЕРСТАН: "Түндө ойгонуп, көзүмдү ачсам босогодо ак киши мени карап туруптур..."

SUPER.KG порталынын "Суперстан" бөлүмүндө "Баштан өткөн коркунучтуу окуялар" деген тема талкууга алынууда.

Темадагы билдирүүлөрдөн:

"Ар бир үйдүн ээси болот дейт го. Бир жолу жалгыз калганда биринчи кабаттан экинчи кабатка кадимкидей бирөө "дүп-дүп" деп басып чыгып келип, мен жаткан бөлмөнүн эшигин акырын ачты. Бир аз туруп кайра акырын жаап, "дүп-дүп" деп түшүп кеткен. Бирок үйдүн эшигин мен бекиткен болчумун. А тигинин жүзүн көрө алган эмесмин, анткени чүмкөнүп жатып алгам коркуп. Мындайда үнүң да чыкпай калат экен. Кийин ошондой эле окуя болгонун биздин үйгө жатып кеткен бөлөм да айткан".

"Мен 8 бөлмөлүү (2 кабат) үйдө 5 күн жашагам. Негизи, 7 күн жашап карап турушум керек эле, 4-күнү түнү эшикке чыгып ары-бери басып, кайра кирип баратсам бөлмөлөрдүн биринен бирөөнүн бир нерсе издеп жаткандай дабышын, ары-бери басып түкүрүнгөнүн угуп, шашып мен жаткан бөлмөгө кире качтым да, ошол бойдон чыккан жокмун. Эртең менен эрте туруп үйүмө качкам. Кийин агам келип "Үйдү карап турдуңбу?" десе "ооба" деп койгом".

"Жайлоодо түндө ойгонуп алдым. Анда 6-7 жашар элем. Көзүмдү ачсам босогодо ак киши турат, мени карап. Жүрөгүм алкымыма кептелип калды. "Айжама-аал", "Айжама-аал" деп үн чыгарат. Апама колумду сунуп бир жетсемчи... Болбосо мага жакын эле жатат. Эптеп бар күчүмдү жыйып апамды дагы ойготуп алдым. "Ак киши-ии" деп шыбырап коём. Апам туруп чырактын жарыгын чоңойтту эле, босогодо ак киши эмей эле, чоң сүлгү илинип туруптур".

"Үй ээси эмес, үй периштелери бар делет. Бул хадистерде далилдери менен бар, бирок бизге алар көрүнбөйт".

"Үйдүн ээси эмес, ар кай жерде жин-шайтандар болот".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы
Фото: Интернеттен алынган сүрөт

18:11 11-01-2017

Жазылуу

РУБРИКАДАГЫ СОҢКУ КАБАРЛАР

21:29 2025-05-14 | Коом жана турмуш

УКМК Тилекмат Кудайберген уулу тууралуу тараган маалыматтарды четке какты 133 0

20:52 2025-05-14 | Саясат

"Муну кандай түшүнсө болот?" Депутат МИКке нааразы болгондор көп экенин айтты (видео) 288 0

20:22 2025-05-14 | Түркүн дүйнө

Назарбаевдин басма сөз катчысы экс-президенттин жубайынын өлүмү тууралуу кептерди четке какты 390 0

19:50 2025-05-14 | Саясат

Депутат Алымбек датканын чөбүрөсү Кыргызстандын жарандыгын ала албай жатканын айтты (видео) 502 0

19:21 2025-05-14 | Коом жана турмуш

Садыр Жапаров кыргыз менен казакка кайрылуу жасады 1527 0

18:52 2025-05-14 | Коом жана турмуш

Түгөлбай Казаков КМШнын "Шериктештиктин жылдыздары" сыйлыгынын лауреаты болду 317 0

Архив

Комментарийлер (13)

UlukmanKalyev

2017-01-11 18:23:08

Түшкө нелер гана кирбейт. Жакшылыкка жооруп койуң.

-5

nur_zhoni

2017-01-11 19:38:15

Бул жерде тушун жазган жок

+10

ozgeldi

2017-01-11 19:58:07

Кайдан кире койдум бул жака адамды коркутуп койдунар ..охрана болуп иштейм жалгыз чоооон коркунучтууу жерде..анысы аз келгенсип мурзонун жанында ал дагы

tynkatar03

2017-01-11 20:28:58

Мен да кордум бугун эле ишенбейсинер го бирок).Мурутчан киши.Мурутары суу болуп калыптыр.Чоочуп кетип сурадым кимсин деп.Бишкектин ээси болом деди да жок болуп кетти.

nemo2016

2017-01-12 06:20:10

tynkatar03,бугун шайлоодон уттум деппи хахаха

jarkyn_jakta_jasha

2017-01-12 17:05:39

nemo2016,олтурдун. Куло берип боорум эзилди

MENMINGO

2017-01-11 20:35:09

Жомок

Samina007

2017-01-11 21:20:45

А биз аскерде жүргөндө укчубуз наристенин ыйлаганын жана кемпирдин онтоп жөтөлгөнүн.часавой болуп турганыбызда кадимкидей болуп эле жаныбызда жүргөндөй эле болчу.мен көрбөдүм бир бала көргөн экен ак кийинген кемпир жанында турганын.

Samina007

2017-01-11 21:26:10

Куран окуп,келме келтирип түнү менен чыкчуубуз.кийген каска,бронижилеттерди калдыратып өзүбүздү алаксытчубуз.азыр эстегим да келбейт ошол коркунучтуу түндөрдү

Nestana95

2017-01-11 23:06:37

Мен тундо 3тор болчу ..чочуп ойгондум...чон апам эшикте пардоого жабышып турган экен....баю узуун..арык жаааш экен да....бирок аябай ыйлап мага жакындай берди...мен кыймылдасам кыймылдай албайм....аран келме келтирип жатып озумо келдим...бул эмнеден болушу мумкун......жооп жазып коюнуздарчы

nuriwka

2017-01-12 03:03:27

Nestana95, албасты баскан... албасты жакындарыбызды кейпин кийип келет кээде. Жаман журбоо керек. Келмелерди келтирип улам даарат алып туруу керек

rashmoll

2017-01-12 03:25:19

tynkatar03
Жаны эле шайландым дедиби

nemo2016

2017-01-12 06:23:29

Баарынардын ангемер отто кызыктуу экен +5деген баа

Комментарий калтыруу үчүн өз ысымыңыз менен кириңиз же каттоодон өтүңүз.