Боинг кырсыгы: Министр жардамга кол сунган элге ыраазычылык айтты

Саламаттык сактоо министри Талантбек Батыралиев учак кырсыгында көрсөткөн колдоосу үчүн элге ыраазычылык билдирди.

"Өлкө үчүн оор болгон бул күндөрү жабыркагандарга баш калка, нан жана дарыга акча гана эмес, өз каалоолору менен акысыз кан берип жаткан жөнөкөй жарандарга ыраазы болдум. Чет элдеги кесиптеш дарыгерлерге да рахмат, өздөрүнүн клиникаларын сунуштап кол сунушту. Түркиянын Кыргыз Республикасындагы элчиси Метин Кылыч жана Түркиянын саламаттыкты сактоо министри Режеп Акдаг өздөрү телефон чалышты", - дейт министр.

Белгилей кетсек, көптөгөн жарандар жабыркагандарга колдоо көрсөтүүнү сунуштап, керектүү жардамдар чогултулууда. Борбор калаадагы балдар хосписинде активисттер жарандардан алып келген жылуу кийим, тамак-аш, азык-түлүктөр иреттелип, муктаждарга берилүүдө.

Эскерте кетсек, 16-январда таңга маал "Манас" аэропортуна жакын жерге Боинг 747 учагы кулаган. Жүк ташуучу учак үйлөрдүн үстүнө түшүп, ондогон адамдардын өмүрүн алды. Акыркы маалыматтар боюнча каза тапкандардын саны 36га жетти. Ооруканада жаткандар дагы бар. Факт боюнча Транспорттук прокуратура кылмыш ишин козгоп, УКМК менен ИИМ иликтөө жүргүзүүдө. Кырсыкты Мамлекеттер аралык авиация комитети иликтейт.

Бүгүн, 17-январь - өлкөдө аза күтүү күнү.

Автор: Автандил Добулбеков

12:47 17-01-2017

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (1)

elmirbek09

2017-01-17 13:48:51

Ушул Боинг 747 учагы Ташкент же Алматы айропортуна консо болмок анткени бул Учак Манас авиа бекетине май куюу учун токтогон. Туманда жол таппай калган.
Ташкентке конгондо жол таап кирет болчу.

Комментарий калтыруу үчүн өз ысымыңыз менен кириңиз же каттоодон өтүңүз.