Боинг 747 учагынын экинчи "кара кутусу" табылды

Бүгүн, 18-январда Боинг 747 учагынын экинчи "кара кутусу" табылды. Бул тууралуу транспорт жана жолдор министри Жамшитбек Калилов билдирди.

Эл аралык келишимдин негизинде, учак кырсыгын иликтөөчү комиссия 3 топко бөлүнүп иш алып барат.

"Байкоочу катары кырсыкты иликтөөгө АКШдан Учактардын кулап түшүү кырсыктары боюнча агенттигинен 4 адам, Түркиядан 6 адам келди. "Боинг" учак куруучу компаниясынын да өкүлдөрү, ошондой эле кыйраган учактын ээлеринен 2 өкүл келди", - дейт министр.

Маалыматка ылайык, комиссиянын 1-тобундагы адистер учактын кулаган жеринин картасын түзүп, сүрөт жана видеого тартып жатышат. 2-топ аэропорттун диспетчерлери, 3-топ аэропорттогу тилкеге учак кондуруучу адистер менен иштеп жатышат. Иликтөөнүн маалында аэропорттун жарыктандыруулары да текшерилет.

"Бүгүн "кара кутуларды" акт менен өткөрүп беребиз. Комиссия аларды Москвага алып барып окутат экен. Эгер ал жактан мүмкүн болбосо, АКШ же Францияга алынып барат. Учак кулаганда чачырап кеткен, азыр аэропорттон атайын кампа берилген, учак ошол жерде чогултулуп изилденет. Чоң сыныктары кесилип, кампадан кайра чогултулат", - деди Калилов.

Эскерте кетсек, 16-январда табылды делген алгачкы "кара куту" учактын тетиги болуп чыккан. Кечээ, 17-январда табылган "кара куту" бүгүнкү табылганы менен бирге атайын адистерге өткөрүлөт.

Автор: Үмүт Абдраимова

14:04 18-01-2017

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (5)

balykchy2012

2017-01-18 15:05:54

Эми туура чечим чыгарышса экен.

Beku89

2017-01-18 17:00:54

Кечиресинер кара куту деген эмне экен билгендер тушундуруп койгулачы. Эч тушуно албай жатам да

Umnitsa

2017-01-18 17:24:31

Beku89, точносун билбейм го, менин түшүнүгүм боюнча кара куту менен самолёттун эмне себептен кулаганын аныктаса болот экен.

maks83

2017-01-18 18:56:24

бул учакта эмне товар болгон?

chika.aisu

2017-01-19 01:41:30

Кара кутуга самолётто эмне деп суйлогон лётчиктер ошолор жазылат 3 кара куту болот бироосуно запис болот ошону текшеришет самолёт эмне себептен кулады кулап атканда эмне деп суйлошушкон ошолорду угушат

Комментарий калтыруу үчүн өз ысымыңыз менен кириңиз же каттоодон өтүңүз.