Бишкекте дарыгерлер авиакырсыктан стресске кабылган тургунду 8 саат бою күттүрүп кабыл алышты

Гүлбарчын Жумабекова, жергиликтүү тургун

Бишкек шаарындагы психоневрологиялык оорукана Курулуш башкармалыгынын дачалары айылынын жашоочусун 8 саат бою күттүрүп кабыл алганын бүгүн, 25-январда тургундун жубайы Гүлбарчын Жумабекова SUPER.KG порталына билдирди.

"Таңга маал учак кырсыгы орун алганда учактын сыныктары биздин үйдөн бир аз гана аралыкта кулап түштү. Катуу жарылуу болуп, жер титиреп кеткенде кызым коркуп оозунун ичине учук чыгып, анысы тамагына чейин жетип ооруканага жатты. Кырсыкта биринчилерден болуп жолдошум каза тапкандарды алып чыгууга катышкан. Буга чейин ал мындай окуяга күбө болгон эмес да, мындан улам бир канча адамды алып чыккандан кийин катуу стресске кабылып, колдору титиреп калган", - деди Жумабекова.

Гүлбарчын Жумабекованын маалыматына ылайык, борбор калаадагы психоневрологиялык оорукана 23-январь күнү эртең мененки саат 09:00дө барган бейтап Мирлан Токоевди кечки 17:00дө кабыл алган.

"Жолдошумду жардамга келген психолог кыздар оорукананын жетекчилиги менен сүйлөшүп жатып жаткырышты. Анда да "силер, мүмкүн, мародёрсуңар" деп ишенишпей, оорукананын чыгымдарын алгач төлөтүп, анан жаткырышты. Ага чейин дарыгер түштөнүүгө кетип баратканын айтып, бейтапты күттүрүп койду. Оорукананын чыгымдарын Биринчи балдар хосписи төлөдү", - деп кошумчалады Жумабекова.

Автор: Акназар Сулайманкулов
Фото: Акназар Сулайманкулов

17:40 25-01-2017

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (2)

momun74

2017-01-25 17:56:05

Кана эми жанагы куну намаз окуганы кеткен врачты жемелегендер мына минтип оорулууларды куттуруп тамактанганы кетип жатышат кандай чара корулот экен ушул врачка жогору жактан

Boldukan86

2017-01-26 00:12:36

ээ Аллах пендеге кун тушпосун. муктаж болуп турганда жардамынарды аябагылачы. мусулман калкпыз сооп ишти коп кылганга уйронолучу. ушул эмнеси эми туштонгону кеткен имиш. бири бирибизден аянбайлычы. Аллах баарыбызга бироо.

Комментарий калтыруу үчүн өз ысымыңыз менен кириңиз же каттоодон өтүңүз.