ЖЫЛНААМА, 4-ФЕВРАЛЬ: 73 жыл мурун ДНК адамдын мурастык маалыматын алып жүрөрү аныкталган

Мындан 73 жыл мурун, 1944-жылы 4-февралда окумуштуулар тарабынан дезоксирибонуклеин кислотасы (ДНК) адамдын мурастык маалыматын алып жүрөрү аныкталган.

Дезоксирибонуклеин кислотасы же ДНК - нуклеотиддерден турган биополимер, нуклеин кислоталарынын бири. Ал ар бир организмдин клетка ядросунда бар. ДНК тирүү организмдин түзүлүшү, өрчүшү жана жеке касиеттери жөнүндөгү генетикалык информацияны сактап, укумдан тукумга берет. ДНКнын молекуласы полинуклеотид тизмегинен түзүлгөн кош спиралдан турат. Ал тизмек 4 түрлүү көп сандаган нуклеотиддерден түзүлөт. Анын курамына азот негиздери (аденин гуанин, цитозин, тимин), канттуу бөлүк (дезоксирибоза) жана фосфор кислотасы кирет.

4-февралдын жылнаамасы.

Автор: Үмүт Абдраимова
Фото: Интернеттен алынды