СУПЕРСТАН: "Алганга чейин алтыным, алгандан кийин катыным болду, сөздүн кыскасы"

SUPER.KG порталынын "Суперстан" бөлүмүндө "Турмуш кургандан кийин эмнеге таң калдыңар эле?" деген тема талкууга алынууда.

Темадагы билдирүүлөрдөн:

"Эжеси тааныштырганда "жерге сууга койбой", "ичпейт, чекпейт" деп аябай эле мактаган. Турмушка чыккандан кийин ал кылыктарын көрүп көпкө чейин таң калып жүрдүм".

"Күйөөмдү башында романтик эмес деп ойлогом, көрсө, атабыз өтө эле романтик экен".

"Жолдошума эмес, өзүмө таң калдым. Абдан өзгөрдүм, "тилим чыкты", базардагы аялдарга окшоп бара жатат окшойм".

"Мен турмушка чыктымбы же бала багып алдымбы деп таң калам. Эртең менен жумушка кетире албай убарамын, "тур" десем эле, "биринчи сабак дене-тарбия" деп эле кыңылдай берет".

"Мурда мынчалык камкор эмес эле, өзүнчө токтоо мүнөз көрүнчү. Апасына кадимкидей жабышып, мышыкка окшоп эркелейт, оозум ачылып калган. Анан дагы "унаамды жуу" дейт, "жок, менин апам эс тартканымдан бери атамдын унаасын жууган эмес, мен дагы жуубайм, ал эркектин иши" деп тилим тешилди. Ал "жуу" дегенин койбоду же мен жууп койбодум".

"Сөгүнгөн сөздөрдү колдонгонуна таң калгам, менин атам, инилерим андай сөздөрдү колдончу эмес. "Ушинтип тарбиясы жоктор сөгүнөт" деп алып өзүм бир "муш жеп" таң калып, аябай ыйлагам".

"Мен тааныган адам таптакыр башкача болуп чыкты. Сөгүнгөн адамды ушунчалык жек көрчү элем. Менин атам апамды сөккөнүн көргөн эмесмин да. Бирок антип жаман сөздөр менен сөгө берсе көңүлүн калып кетет экен. Азыр эч "ичим жылыбайт", муп-муздак муздай болуп тоңуп калгам".

"Келин болуп барганыңдан кийин "келин көрдү" дешип, киши үзүлбөй кошуналар, туугандар келе берет эмеспи, ошентип үйдөн 2-3 күн адам үзүлбөдү, анан 4 күн дегенде деле туугандар кире беришти, таң калдым, "бул эмнеси, качан кетишет?" деп, көрсө, кошуналарыбыздын баары туугандар экен".

"Алганга чейин алтыным, алгандан кийин катыным болду, сөздүн кыскасы".

Талкууга кошулгуңуз келсе, бул жакка кириңиз.

Автор: Нуржанат Медетбекова
Фото: Интернеттен алынган сүрөт

16:50 15-03-2017

Жазылуу

РУБРИКАДАГЫ СОҢКУ КАБАРЛАР

13:29 2025-05-16 | Коом жана турмуш

Өлкөдө дем алыш күнү туруксуз аба ырайы күтүлөт 96 0

13:24 2025-05-16 | Супер-Инфо

“Эркектей эле болчу...” Же кыргыздар мырзаны кантип тарбиялашкан? 33 0

13:18 2025-05-16 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек (видео) 1478 0

12:51 2025-05-16 | Коом жана турмуш

17-майга карата аба ырайы 179 0

12:19 2025-05-16 | Супер-Инфо

Клара Алибекова, ырчы: «Кайра жаралсам таптакыр башкача жашамакмын» 215 0

12:00 2025-05-16 | Коом жана турмуш

Садыр Жапаров курулуп баштаган тоо-лыжа курортуна инвесторлорду чакырды 421 0

Архив

Комментарийлер (7)

sultan89

2017-03-15 17:10:18

Аял тилин,эркек козун тыйса эле жашоо орду мн кетеберсе керек

batyrovaferdaus

2017-03-15 19:58:00

sultan89,ооаа туура айтасыз айрыкча эркектер кыздарды караса жек көрөм

Kgz87

2017-03-15 22:42:04

Казыр кыстардын суйлошуп жургон кылыктары жакпайт аял алсам быдылдап суйлоп турса эмне болот

Kgz87

2017-03-15 22:43:05

Кечиргиле мен тура эмес жазып алдым окшойт

omka100514

2017-03-16 00:04:05

Мен жолдошум менен кыз жигит болгон убакта жолугушууга шоколад ала келчу, жарымын берсем алчу эмес, мен шоколад жебейм деп, анан турмуш кургандан кийин айылдан шаарга келгенде кайненем продукта салып берген ичинде 1 килограммдай шоколад бар экен эле, жолдошум ошол шоколадты эки кундо эле жеп койгон озу, ошондо тан калгам шоколадты оло жакшы короруно

DNurgiza

2017-03-16 08:42:28

Менин жолдошум сүйлөшүп жүргөндө кандай болсо, азыр да ошондой.....анын терс жактарын да билчим да...... бирок сүйлөшүп жүргөндө макалды көп кошуп сүйлөөчү, ошол макалдары жок азыр :)

barakcha

2017-03-16 09:32:28

Кыз кезинде баары жакшы.
жаман катын кайдан чыгат?
Жашоо ансыз деле кыска.Ошол учун ак нике менен уйлонгон жубайлар бири-бирин сыйлап жашаганга не жетсин?

Комментарий калтыруу үчүн өз ысымыңыз менен кириңиз же каттоодон өтүңүз.