Президент Алмазбек Атамбаев Кыргыз элин Нооруз майрамы менен куттуктады

Бүгүн, 21-мартта президент Алмазбек Атамбаев кыргыз элин Нооруз майрамы менен куттуктады. Бул тууралуу президенттик аппараттын басма сөз кызматы билдирди.

Мамлекет башчысынын куттуктоо текстин президенттик аппараттын жетекчиси Сапар Исаков борбордук “Ала-Тоо” аянтындагы иш-чарада окуду.

"Ата-бабаларыбыз илгертен эле жаздын келишин, чөптүн чыгышын, булак көзүнүн ачылышын жакшылыкка жорушкан. Ошондуктан Нооруз токчулуктун, мол түшүмдүн, ырыскынын майрамы катары белгиленген. Бул күнү эл журттун, мал-жандын аман-эсен, тынч, кырсыктан тышкары болушун тилеп, Жаратканга сыйынышкан. Соко чегип, жер бетин алгач жолу тилишчү. Сүмөлөк кайнатып, ар бир үй-бүлө сый тамагын жасап, айыл-апасы менен чогуу майрамдашчу. Бабалардын ошол улуу салтын, жашоонун улуу көчүн, жаркын көчүн улоо менен, кыргыздар азыр да көпчүлүк чыгыш эли сыяктуу эле Ноорузду чоң салтанат менен белгилейт. “Ноорузду” биздин элибиз дайыма чоң үмүт, жакшы тилек менен тосуп, жаздын, эмгектин, чыныгы биримдиктин, тынчтыктын, ынтымактын майрамы катары майрамдашат. Өлкө быйылкы Ноорузду жакшы жетишкендиктер, жаңы жөрөлгөлөр менен тосуп жатат. Элибиз улуттук жана руханий кайра жаралуу доорун сүрүүдө. Дүйнөлүк экономикалык жана финансылык каатчылыктын тескери таасирине карабастан, 2013-2016-жылдары Кыргыз мамлекетинин ички дүң продукциясынын өсүшү орточо 5,4 пайызды түзүп, КМШ өлкөлөрүнүн ичиндеги эң алдынкы орунга чыктык. Өлкөбүз энергетикалык көз карандысыздыкка жетишти. Кудайдын колдоосу менен, тилегибиз ишке ашсын, Нооруз, келе жаткан жылыбыз ырыс-кешиктүү болсун! Жаратканыбыз Кыргыз өлкөсүн колдосун, элибизге ынтымак, жерибизге берекет берсин!" - деп айтылат куттуктоодо.

Автор: Жылдыз Джускембаева
Фото: Интернеттен алынган

12:02 21-03-2017

Жазылуу

РУБРИКАДАГЫ СОҢКУ КАБАРЛАР

09:32 2025-05-16 | Коом жана турмуш

Бишкекте 18-майдан 24-майга чейин бүтүрүүчүлөргө жалпы республикалык тестирлөө өтөт 23 0

09:32 2025-05-16 | Супер-Инфо

Алп актёр Дэйв Батиста 32 0

09:21 2025-05-16 | Кылмыштар, кырсыктар

Акыркы суткада республикада 15 өрт кырсыгы катталды 72 0

09:01 2025-05-16 | Коом жана турмуш

Бишкек бийлиги мектептерде акча чогултууга тыюу салынганын эскертти 194 0

08:48 2025-05-16 | Коом жана турмуш

Жалпы республикалык тестирлөөгө кошумча каттоо жүргүзүлөт 148 0

08:23 2025-05-16 | Коом жана турмуш

Доллардын сомго карата наркы 346 0

Архив

Комментарийлер (4)

kyrgyz.kg83

2017-03-21 12:53:01

Комент ачыко тангалычтуу,озу чыгып куттуктагандан корконго,дагын балп деп койбойун деп,кыргыз елим нооруз мареек болсун!!!

KGstan1981

2017-03-21 13:22:00

Баракелде мына эми президентибиз озу айткандай сасык, ушак создорун кошпой элди куттуктаптыр болот экенгоо Алмазбек Шаршенович.(бирок экономикабыздын осушу боюнча кичине ордокторду учуруп жиберипсиз)

evra_kg

2017-03-21 14:03:17

Аны озу жазат беле анын жанында акындар журот шагырап соз уйротум

+10

nuke1988

2017-03-22 02:23:12

Эртарак монотунду бутуруп жылчы

Комментарий калтыруу үчүн өз ысымыңыз менен кириңиз же каттоодон өтүңүз.