Республикалык олимпиаданын жеңүүчүлөрү сыйланышты (тизме)

Бүгүн, 28-мартта Бишкекте мектеп окуучуларынын арасында өткөн Республикалык олимпиаданын жеңүүчүлөрү сыйланышты. Бул тууралуу Билим берүү жана илим министрлиги билдирди.

Салтанаттуу иш-чарага министр Гүлмира Кудайбердиева, Президенттин аппаратынын башчысы Сапар Исаков, окуучулар, мугалимдер жана ата-энелер катышышкан.

"Олимпиадага өлкөнүн бардык аймактарынан 10-11-класстын окуучулары, бардыгы 316 катышуучу болгон. Ал 10 сабак боюнча өткөн: информатика, физика, химия, география, математика, кыргыз тили жана адабияты, орус тили жана адабияты, англис тили, тарых. Бул жылы жылдагыдан өзгөчөлөнүп олимпиаданын жүрүшү онлайн көрсөтүлдү. Ата-энелер жана байкоочулар атайын залдан карап тура алышты", - деп жазылат маалыматта.

Жеңүүчүлөргө дипломдор жана китеп алууга сертификаттар тапшырылды.

"Мындан сырткары 1-орунду алган жеңүүчүлөр жеңген сабагынын багыты боюнча жогорку окуу жайга сынаксыз тапшыра алышат. Ошондой эле алар эл аралык олимпиадаларда Кыргыз өлкөсүнүн атынан чыгышат", - деп билдиришти министрликтен.

Жеңүүчүлөрдүн тизмеси (11-класс, 1-орун):

Автандил Саиддин - химия;

Ырыскүл Алакунова - Кыргыз тили жана адабияты;

Аселя Бакирова - география;

Диана Заржецкая - англис тили;

Фатима Ибрагимова - биология;

Кушчубек Калыкулов - тарых;

Бектур Мукамбеков - математика;

Андрей Мукин - физика;

Даян Мэлисов - биология;

Богдан Соткинов - химия;

Алым Турдукулов - физика;

Бекназар Фархад уулу - орус тили жана адабияты;

Бегалы Чикитаев - математика;

Алибек Чолпонбаев - англис тили;

Зинаида Ширяева - орус тили жана адабияты;

Ырыскелди Жумабаев - Кыргыз тили жана адабияты.

Белгилей кетсек, жалпысынан байгелүү орундарды алгандардын арасынан 36 окуучу "Сапат" (мурунку "Себат" окуу жайлары) окуу жайларынын окуучулары, алар 33төй пайызын түзөт.

Автор: Үмүт Абдраимова