Эки баласын тарттырып жиберген эне президентке кайрылууда

Бегимай Казакова

Эки баласын тарттырып жиберген Бегимай Казакова президентке кайрылуу жасады. Ал өз кайрылуусунда кыздарын кайтарууга жардам сурады. Кыздарынын улуусу Асель Байматова 2 жашта, кичүүсү Зейнеп Байматова 1 жашта.

Маалыматка ылайык, Бегимай Казакова 2013-жылы өзүнөн 9 жаш улуу Байыш Байматов аттуу жаранга турмушка чыгып, 2014-жылы көз жарган. Күйөөсү менен никеге расмий түрдө каттоого турган эмес, бирок кыздарынын туулгандыгы жөнүндө күбөлүктө атасы катары Байматов көрсөтүлгөн. Зейнеп 6 айга толгондо, атасы башка турмуш куруп кеткен. Буга чейин да үйлөнүп, бир уулу бар болгон.

Коомдук ишмер Роза Маманованын айтымында, кыздардын атасы Бегимай Казаковадан "же кыздардан, же алименттен баш тартасың" деп, кыздарды алып кетип, ушул күнгө чейин энеси менен жолуктурбай келет. Учурда ал жаран "Кумтөр" ишканасында иштейт. Кыздарын да ошол жакта кармап жатканы айтылды.

"Улуу кызымды 1-февралда алдап үйдөн алып кеткен. Кичүү кызымды бала бакчадан алып кеткен. Кайрылбаган жерим калган жок. Байыш смс-билдирүү менен гана байланышка чыгат", - дейт Б. Казакова.

Ошондой эле маалымат жыйында Б.Казакова кордук көргөнү айтылды. Ал эми жактоочу Эмильбек Исеналиев Ленин райондук социалдык коргоо бөлүмүнүн кызматкерлери кыздар жакшы шартта багылып, жанында энеси бар экенин айтышканын билдирди.

"Кайсы энеси? Энеси бул жакта" десек, "эң башкысы кыздар аман-эсен, абалдары жакшы, калганы бизге тиешелүү эмес" дешти. Мен алардын жумушу менен канааттанган жокмун", - деди жактоочу.

Эки баласын тарттырып жиберген эненин кайрылуусу

Автор: Үмүт Абдраимова
Фото: Максат Орозумбетов

11:48 04-04-2017

Жазылуу

РУБРИКАДАГЫ СОҢКУ КАБАРЛАР

23:57 2024-05-18 | Коом жана турмуш

"Биз мусулманбыз". Бишкектеги пакистандык студенттер видео кайрылуу жасашты 2737 0

21:18 2024-05-18 | Коом жана турмуш

Бишкектеги окуя: Бишкектин төрт районунда штаб өткөрүлдү 1082 0

19:59 2024-05-18 | Түркүн дүйнө

Казакстан Кыргызстан менен чек арадагы кырдаал боюнча билдирүү жасады 3196 0

18:04 2024-05-18 | Кылмыштар, кырсыктар

Бишкекте түндө болгон окуя: ИИМ дагы бир жолу билдирүү жасады 2515 1

17:52 2024-05-18 | Коом жана турмуш

Бишкекте көп балалуу энелерди акимдер куттукташты 487 0

17:11 2024-05-18 | Кылмыштар, кырсыктар

"Тамеки барбы?". ИИМ Бишкектеги окуя эмнеден башталганын айтып, кеминдик эки жигитти издеп баштады (хронология) 11165 0

Архив

Комментарийлер (3)

Makain

2017-04-04 13:25:59

Кыздарынды таштап ХХХ жеп журосунбу андай эле жаман болсо атасы эмнеге турмушка чыктын эле акчасына кызыгып бир балалуу адамга чыккан озун куноолусунда.

-5

ainur78007

2017-04-04 19:21:40

Makain,жакшылап окуп чыгып анан жазчы

-1

Djal1987

2017-04-05 03:05:53

Makain,бир баласы мен ХХХ жегени уйлонобу??? Азыр учунчуго уйлонуптур.баланы энеден ажыратып эки дуйнодо жыргабайт!!! Азыр эркектердин кунаары кеткен эненин атанын тарбиясын албаган да ошого бир катынды эптебей албаганда катындары кетип учунчу тортунчу катын алып журушот. Ар бир аялга жооп берет. Ошону билип алсын. Аялдын коз жашы жыргатпайт.

Комментарий калтыруу үчүн өз ысымыңыз менен кириңиз же каттоодон өтүңүз.