VI Улуттук "Ак илбирс" киносыйлыгынан фоторепортаж

"Улуттук кинематографиянын өнүгүшүнө кошкон салымы үчүн" белгилүү жазуучу, сценарист, драматург Мар Байжиев сыйланды

"Дүйнөлүк кинематографиянын өнүгүшүнө кошкон салымы үчүн" атайын сыйлык алган советтик түркмөн кинорежиссёру Ходжакули Нарлиев

"Сон обезьяны" тасмасынын режиссёру (Тажикстан)

Борбордук Азиядагы мыкты актриса - Феруза Саидова, "Подробности осени", (Өзбекстан)

14-апрелде Бишкектеги "Манас" кинотеатрында VI Улуттук "Ак илбирс" киносыйлыгынын жеңүүчүлөрү аныкталды. Аземде кыл кыякчы Залина Касымова, таланттуу түгөйлөр Назбек Кенчинбаев менен Нурайым Азыкбаева жана бий топтору өз өнөрлөрүн көрсөтүп, келген конокторго жагымдуу маанай тартуулашты.

Сыйлыктын көбүн алып кеткен "Атанын керээзи" тасмасынын режиссёр, сценаристтери Бакыт Мукул менен Дастан Жапар уулу фильмди жараткан чыгармачыл топко, колдоо көрсөткөндөрдүн баарына ыраазычылыгын айтып өтүштү.

"Мээнет кайтат деген сөзгө азыр ишенип турам. Аталган фильмди 3 жыл бою жазып, иштеп жүрдүк. Качан бардык монтаж иштери бүткөндө жылмайдык окшойт. Мээнетибиз текке кетпептир, минтип үзүрүн көрүп турабыз. Туура баасын берген калыстар тобуна рахмат", - дейт кубанычтан толкунданган Бакыт Мукул.

Ал эми "Дүйнөлүк кинематографияга кошкон салымы үчүн" атайын сыйлык алган түркмөн кинорежиссёру Ходжакули Нарлиев кыргыз элин бир боорундай жакшы көрөрүн айтып, кубанычты алгандан көрө тартуулаган жакшы экенин, бирок мындай нерсени ар бир адам жасай албасын билдирди.

"Элиңдин жакшы киносу болгону жакшы. Андан майрам уюштуруу - кубаныч тартуулаганга барабар. Бирок мындай нерсе баарынын эле колунан келе бербейт. Садык Шер-Ниязда бул нерсе ишке ашты. Акыркы кезде ушундай маданий иш-чаралар үзүлгөн байланыштарды жандантып, келечек үчүн ойлонууга түрткү берди", - деген режиссёр Чыңгыз Айтматов, анын чыгармалары тууралуу бир топ жылуу сөздөрүн айтып, чыгармачыл инсандарга, кыргыз элине ийгилик каалады.

18 номинация боюнча жеңүүчү аталгандардын тизмеси бул жерде.