"ЭЛДИК КАБАРга" жооп: Жалпак-Таштагы жер көчкү 3 турак үйдү толугу менен басты

Жалпак-Таштагы жер көчкү 3 турак үйдү толугу менен басты. Бул тууралуу Өзгөчө кырдаалдар министрлигинин басма сөз кызматы бүгүн, 16-апрелде билдирди.

"Ош облусунун Өзгөн районундагы Жалпак-Таш айыл аймагына караштуу Кысык-Алма айылындагы Чырмаш участкасында 15-апрелде жаңы пайда болгон жер көчкү жүргөн. Алдын ала алынган маалыматтар боюнча аталган жер көчкү 3 турак үйдү толугу менен басып, 1 турак үйгө жакындап калган", - деп билдиришти басма сөз кызматынан.

Министрликтин Өзгөн райондук бөлүмүнүн башчысы Н.Кулмаматов 16-апрель күнү саат 07:30да аталган участкага жеринде тактоо иштерин жүргүзүү үчүн жөнөп кеткени маалым болду.

Жер көчкү колоттун ичи аркылуу акырындык менен турак үйлөргө карай жылып келип, Мыктыбек Чырмашовдун сарайын, үйүн баскан, Куршаб-Жалпак-Таш унаа жолунун 10-чакырымында 50 метр аралыгын басып жол каттамы убактылуу токтогон. Жолду тазалоо иштери жүргүзүү мүмкүн эмес, себеби суюк көчкү акырындык менен жылып жатат.

Жер көчкү коркунучундагы үй-бүлөлөр коопсуз жерге көчүп чыгышты.
1. Мыктыбек Чырмашов (6 адам);
2. Амангелди Мамашарипов (5 адам);
3. Айтикан Мамашарипова (1 адам);
4. Азамат Чырмашов (8 адам).

Бул турак үй ээлери мамлекет тарабынан ссуда жана жер тилкелерин алган эмес.

Эскерте кетсек, окурман Жалпак-Таш айылында жер көчкү 5 үйдү басып калганын кабарлаган.

Жалпак-Таштагы жер көчкү

Автор: Үмүт Абдраимова

10:36 16-04-2017

Жазылуу

РУБРИКАДАГЫ СОҢКУ КАБАРЛАР

21:41 2025-06-17 | Коом жана турмуш

Жолдон эле жолугуп... Оштун мэри үч эмди тарбиялап жаткан үй-бүлөгө батир убадалады (видео) 290 0

20:42 2025-06-17 | Коом жана турмуш

Талас мамлекеттик университетине 5 кабаттуу жаңы кампус курулат 175 0

20:25 2025-06-17 | Кылмыштар, кырсыктар

Унаада бара жатып асманга ок чыгарган жашы жете элек уландар кармалды (видео) 519 0

19:47 2025-06-17 | Саясат

Жазуучу Чыңгыз Айтматовдун кебин айтып... Садыр Жапаров Астанадагы саммитте эмне деди? 921 0

19:19 2025-06-17 | Түркүн дүйнө

Борбор Азиянын жарандары да бар... Ирандан 600дөн ашуун адам эвакуацияланды 431 0

18:58 2025-06-17 | Түркүн дүйнө

Иранда абактагы жардыруудан кийин соттолгондордун качкан видеосу тарады 2137 0

Архив

Комментарийлер (4)

zinza.girl

2017-04-16 10:49:38

Оо Кудай калааты эле заман болтат ээ?! Тынччылык эле болсо экен эми

s.k.bakyt

2017-04-16 14:08:11

Ушундай кооптуу жайда жашап эмне кереги бар? Окмот кочкуло десе кээ бири кетишпейт экен. Анан кырсык болсо ыйлашат, Окмотко жалдырап. Ссуда беришсе аны той топур, башка нерсеге жумшап, кайрадан бизге жер бербейт, уй бербейт дешет экен

balzak

2017-04-17 14:53:12

s.k.bakyt,жашоо-шарты кетууго мумкунчулук берсе, алар деле жакшы жерге барып жашаса керектир эле...

Santanna

2017-04-17 01:26:00

Тынчылык болсун Кыргыз Элимде Кудай сактасын кырсыктан,быйыл Кандай заман болуп жатат коркосун...

Комментарий калтыруу үчүн өз ысымыңыз менен кириңиз же каттоодон өтүңүз.