Бишкекте унаа сүзүп кеткен окуучунун чоӊ энеси: "Сүзүп кеткен адамдын жакындары абалыбызды сураган жок. Алар таасирдүү кызматтарда иштээри айтылууда"

Бишкектеги Бакаев-Ремесленная көчөлөрүнүн кесилишинде унаа сүзүп бейтапканага түшкөн Эрбол Мамажакыпов ооруканадан үйүнө чыгарылды. Бул тууралуу бүгүн, 10-майда SUPER.KG порталына окуучунун чоң энеси Айсулуу Калбаева билдирди.

"Неберемдин абалы турукташып, бейтапканадан чыктык. 10 күн убакыттан кийин кайра дарыланабыз. Бүгүн эртең неберемди Ысык-Көлгө алып кетсем деп жатам. Анткени адистердин айтымында, эртең менен эрте көл жээктеп басып, мээ сергитип эс алса, баланын ден соолугуна пайдалуу дешти. Ага чейин баламдын аман калганы үчүн тууган-урук, кошуналарды чакырып, мал союп, куран окуп түлөө өткөрөбүз. Азыр үй-бүлөдө баарыбыздын маанайыбыз жок. Массалык маалымат каражаттарына маек курууну каалабай турабыз", - деп билдирди Калбаева.

Айсулуу Калбаеванын айтымында, небереси менен жол кырсыгына кабылган Алимбек Сырановдун да абалы жакшырууда. Ал учурда тамак жеп, сүйлөп, башынын шишиктери кайтып калган.

"Неберем жол чырак кызыл күйүп, жөө жүргүнчүлөр өтүүгө уруксат болгондо өткөнүн айтып берди. Буга чейин ал окуяны эстей албай жатканын айткан. Өспүрүм балдарды сүзүп кеткен тараптан адамдар келип абалыбызды сурап койгон жок. Мас абалында унаа башкарган айдоочунун туугандары таасирдүү кызматтарда иштээри айтылууда. Биз тергөөнүн жүрүшүнө алардын таасири тиеби деп чочулап жатабыз. Ар ким колу менен кылганын моюну менен тартыш керек", - деп кошумчалады Калбаева.

Эске салсак, буга чейин 21-апрелде Бишкекте эки мектеп окуучусун жол чырактын жанынан сүзүп, токтобой качып кеткен окуя катталган.

Автор: Акназар Сулайманкулов

16:34 10-05-2017

Жазылуу

РУБРИКАДАГЫ СОҢКУ КАБАРЛАР

21:06 2025-06-26 | Түркүн дүйнө

Эл аралык космостук станцияга биринчи жолу Индия, Венгрия жана Польшанын астронавттары барышты 166 0

20:32 2025-06-26 | Түркүн дүйнө

60 күн керебетте жатышат. NASA салмаксыздыкты изилдөө үчүн ыктыярчыларды издөөдө 409 0

19:52 2025-06-26 | Саясат

Президент мектептерде мобилдүү түзүлүштөрдү пайдаланууну жөнгө салуу боюнча мыйзамга кол койду 345 0

19:21 2025-06-26 | Коом жана турмуш

"Мадина" базарындагы бир нече коомдук тамактануучу жай жабылды 561 0

18:58 2025-06-26 | Саясат

Мамлекеттик катчы БУУӨПтүн Кыргызстандагы туруктуу өкүлү менен жолугушту 222 0

18:27 2025-06-26 | Түркүн дүйнө

Франциядагы бороон: Эки адам каза болуп, 100 миңден ашуун имарат жарыксыз калды (видео) 820 0

Архив

Комментарийлер (4)

Kroxa

2017-05-10 16:52:47

Таасирду кызматта иштесе эле балдарды сурап койгонго болбойбу???эки баланын деле убал сообу бардыр??кудай жазасын берсин..эки бала майып болуп отурат бул ондуу ХХХ айдоочунун айынан..акча менен соттун оозун жапкан кундо да убалы уктатпасын бил!!!

Makain

2017-05-10 19:06:32

Коркпой эле барыныз болгонун айтын

aerforce

2017-05-10 20:23:18

Чынында таанышы бар эмего уялбастан министр озу ата энеси тосмо арыз сурап жатат деп айткан эле

deva

2017-05-11 10:26:14

Кудай берсин жазаны ага окшогондорго

Комментарий калтыруу үчүн өз ысымыңыз менен кириңиз же каттоодон өтүңүз.