Талантбек Батыралиев моралдык чыгым катары үч бирикмеден 3 миллион cом өндүрүү үчүн доо арыз жазды

Президентке, премьер-министрге, Жогорку Кеңешке, Башкы прокуратурага , УКМКга жолдонгон кат

Министрдин доо арызы

"Кыргыз чоролору" коомдук бирикмесинин жетекчиси Кубанычбек Дүйшеев

Саламаттыкты сактоо министри Талантбек Батыралиев

Саламаттыкты сактоо министри Талантбек Батыралиев “Акос”, “Кыргыз чоролору, “Шаик Ата” бирикмелерин сотко берди. Бул тууралуу 12-майда SUPER.KG'ге “Кыргыз чоролору” бирикмесинин жетекчиси Кубанычбек Дүйшеев билдирди.

Анын айтымында, министр аталган бирикмелерди "такталбаган маалыматтарды таратып, аброюма шек келтиришти" деп, ар биринен 1 миллион сомдон моралдык чыгым өндүрүп берүү талабы менен сотко кайрылган.

"Бул тууралуу бизге кат аркылуу, Талантбек Батыралиевдин жактоочусу кабарлады. Ал "такталбаган маалыматтар менен менин үстүмөн ар кайсы инстанцияларга кайрылып, аброюма шек келтиришкени үчүн" деп, үч бирикменин жетекчисин, “Акос” бирикмесинин жетекчиси Кубанычбек Шаршембаев, “Шаик Ата” бирикмесинин жетекчиси Темир Султаналиев жана менден 1 миллиондон, жалпысынан 3 миллион сом моралдык чыгым өндүрүп берүүнү талап кылып сотко арыз менен кайрылыптыр”, - дейт Кубанычбек Дүйшеев.

Эскерте кетсек, буга чейин аталган үч бирикме Батыралиевди коррупцияга күнөөлөп, аны министрликте өзүм билемдик кылып, жетекчи катары кадрдык маселени начар жүргүзүп жатканын, реформа жасай албаганын айтып, министрликтеги башка бир нече маселелерди көтөрүшүп, президентке, премьер-министрге, Жогорку Кеңешке, Башкы прокуратурага , УКМКга кат жолдошкон. Андан сырткары Батыралиевди кызматынан кетсин деп, бир нече жолу митинг уюштурушкан. Натыйжада Батыралиевдин үстүнөн болгон кайрылуу боюнча КСДП фракциясынын жыйынында каралып, аталган маселени Жогорку Кеңештин депутаты Рыскелди Момбеков парламенттин трибунасында да көтөргөн.

Автор: Кенжебай Сатканалиев
Фото: Кенжебай Сатканалиев

16:19 12-05-2017

Жазылуу

РУБРИКАДАГЫ СОҢКУ КАБАРЛАР

13:57 2025-07-08 | Кылмыштар, кырсыктар

Орусияда 27 жыл мурун 11 жаштагы кызды зордуктаган шектүү эми кармалды 88 0

13:46 2025-07-08 | Кылмыштар, кырсыктар

Бишкектеги банктардын биринен өрт чыкты 131 0

13:45 2025-07-08 | Коом жана турмуш

Виного ууланган... Орусияда 10 жашар бала реанимацияга түштү 67 0

13:39 2025-07-08 | Түркүн дүйнө

30 адам өлкөдөн чыгарылды...Москвада мыйзамсыз мигранттарга карата рейд жүргүзүлдү 191 0

13:39 2025-07-08 | Кылмыштар, кырсыктар

Чүйдө Мерседес-Бенц менен Скутер сүзүшүп, бир адам каза болду 127 0

13:30 2025-07-08 | Түркүн дүйнө

Армениянын парламентинде мушташ чыгып, жыйын токтотулду 204 0

Архив

Комментарийлер (5)

Kroxa

2017-05-12 16:44:41

Жакшы иштей албаса айтышты да..бет тырмарлык кылып кайра 3 миллион ондургону жатканын...бут акча менен ооруканага апабыз пенсионер 3-топтун майыбы жатса да ал дары жок бул дары жок деп баарын саттырып алып дары куйушту..таблеткаларын сатып келгиле дейт..анын эмнеси мамлекеттик оорукана болуп саналат??бекер койкагабы??баары акча билбейм пенсияга чыкпай калгандар ооруп калса кайда барат???мамлекеттен бир пайда жок..

KGstan1981

2017-05-12 16:59:36

Атамбаевтик бийликтин оной арам акча табуу жолунун жаны ыкмасы.

nargiz-sa

2017-05-12 18:18:17

Президенттин доо ондурмою биздин чиновниктер учун мода болуп калыптыр да

Kubat.karagulov

2017-05-12 19:23:20

Беш тыйындык баркы жок абройлорун миллиондорго баалап биздин чоңдор көптү го.Миңди жүз миңди акча ордуна көрбөй калышты го

frunze12

2017-05-12 21:06:17

3 миллион сом дооламай чиновниктер арасында модага айланганбы? Миллиондон баштайсынар, каяша айткандардын оозун жапканы коркутуунун жаны ыкмасын ойлоп таап. Сот албетте силердин пайданарга чечип берет, даже если Вы Не Прав (99% силердики туура эмес).

"Сыныктан башкасынын баары жугуштуу" деген накыл кеп абдан туура да!!!

Комментарий калтыруу үчүн өз ысымыңыз менен кириңиз же каттоодон өтүңүз.