Депутат Жылдыз Мусабекованын журналистти коркутуп, мазактаганы боюнча маселени президенттик аппарат карайт

Депутат Жылдыз Мусабекованын журналист Үпөл Анаркулованы коркутуп, мазактаганы боюнча расмий кат келип түшсө маселени президенттик аппарат карайт. Бул тууралуу 16-майда президенттик аппараттын маалыматтык саясат бөлүмүнүн башчысы Алмаз Үсөнов билдирди.

Журналист Үпөл Анаркулова 12-майда "КСДП фракциясынын өкүлү Жылдыз Мусабекованын журналистке карата мыйзамды тебелеп, зомбулук мамилесине өзүңүздөр баа берсеңиздер. Анын “Маданиятка эмгек сиңирген ишмер” наамын алгандыгы жана өзү туулуп-өскөн Ат-Башы районунун Ак-Моюн айылындагы айылдык китепканага анын аты ыйгарылгандыгы маалым. Элди каалагандай калчагысы келген мындай маданиятсыз, тарбиясыз жана зордукчул адамдын мындай маданий наамдарга ээ болушунун өзү ал наамдарды шылдыңдагандык деп эсептейм", - деп президент, ЖКнын төрагасы, парламенттеги Этика жана регламент боюнча комитет жана маданият министрине кайрылуу жасаган.

Айта кетсек, өткөн аптада КСДП фракциясында депутат Мусабекованын журналист кызды коркутуп, мазактаганы боюнча маселе каралары күтүлүп жаткан. Бирок эл өкүлү жыйынга келген эмес.

Апрель айынын соңунда Интернетке Жылдыз Мусабекованын журналист Үпөл Анаркулованы абийирине шек келтирип, телефондон 10 эркекке салып берип зордуктатам деп коркутканы жарыяланган. Иса Өмүркулов SUPER.KG порталына: "Мусабекованын окуясы депутат, саясатчы катары шок кылды. Албетте, бул маселе фракциянын кезектеги жыйынында талкууланат", - деп билдирген. Мусабекова журналистке андай коркутуу сөздөрүн айтпаганын, аудиожазуу монтаж экенин айткан. Ал эми Анаркулова "сүйлөшүү телефонго түз жаздырылган, монтаж эмес" деп жатат.

Автор: Айпери Ганыжан кызы

11:26 16-05-2017

Жазылуу

РУБРИКАДАГЫ СОҢКУ КАБАРЛАР

09:59 2025-07-07 | Түркүн дүйнө

АКШ БРИКС уюмун колдогон өлкөлөргө кошумча бажы салыгын киргизет 45 0

09:58 2025-07-07 | Коом жана турмуш

Милиция сууга түшүүдө коопсуздук эрежелерин сактоону эскертти 26 0

09:57 2025-07-07 | Түркүн дүйнө

Трамп Газа секторундагы согушту токтотуу боюнча келишим келерки жумада ишке ашышы мүмкүн экенин айтты 48 0

09:52 2025-07-07 | Түркүн дүйнө

Ирандын жогорку лидери көптөн бери биринчи жолу эл алдына чыкты (видео) 92 0

09:48 2025-07-07 | Коом жана турмуш

ӨКМ Жумгалдагы жер көчкү тууралуу маалымат берди 109 0

09:42 2025-07-07 | Түркүн дүйнө

Түркиянын президенти Азербайжан менен Орусиянын ортосундагы чыр-чатакка комментарий берди 325 0

Архив

Комментарийлер (2)

Ajar812

2017-05-16 13:12:09

Жылдыз Мусабековага окшогон ХХХ адамдар акчанын кучу менен креслого жетип коркутуп уркутуусу барып турган ХХХ Оумот чара колдонуш керек

yrysbek

2017-05-16 14:22:04

Кимдин ким экени тиги суротто эле корунуп турбайбы. ХХХ турбайбы Жылдыз Мусабекова. Анын колунан келет баардык нерсе коркуш керек андай адамдардан. Ушундай адамдар бут кызматтарды акчасы менен ээлеп алганы учун Биз Кыргыз эли онукпой жатабыз.

Комментарий калтыруу үчүн өз ысымыңыз менен кириңиз же каттоодон өтүңүз.