Сокулукта 50 жылдан бери пайдаланып келген таштанды таштоочу жайды чиновниктер жаба албай жатышат (фото)

Чүй облусуна караштуу Сокулук районунун Крупская айыл аймагындагы 6 гектар жерди ээлеген таштанды таштоочу жайды жабуу мүмкүн болбой жатат. Бул тууралуу бүгүн, 31-майда SUPER.KG порталына Экологиялык жана техникалык коопсуздук инспекциясынын Сокулук району боюнча улук инспектору Шырдакбек Жусупбеков билдирди.

"Жыл сайын райондук коммуналдык чарбанын жетекчилигине 15 миң сомдон айып салып жатабыз. Бирок бул кызмат эчак эле таштанды таштоочу жайды жабыш керек эле. Бирок алар ишти аткарбай жатат", - деди Жусупбеков.

Крупская айыл аймагында жайгашкан таштанды жайы 50 жылдан бери пайдаланылып келгени айтылууда. Көйгөйдү чечүүдө райондун жетекчилиги, таштанды таштаган 4 айыл өкмөтүнүн башчылары кайдыгер мамиле жасап келет.

"Бул жерге 4 айыл аймактын эли бир күндө 15-20 тонна таштанды ташташат. Буга чейин иштеп келген акимдерге бир нече жолу башка жер таап бергиле деп кайрылганбыз. Райондун жетекчилиги маселени чечебиз деп жубатып тим болушат. 3 жылдан бери салынган айыпты чөнтөгүмдөн төлөп жатам", - деп билдирди Сокулук районунун Коммуналдык чарба кызматынын башчысы Боронбай Момоконов.

Крупская айылынын тургуну Алманбет Молдалиев

Таштанды таштоочу жай эл жашаган аймакка 200 метр жакын жайгашкан. Жергиликтүү жашоочулар ар кандай оору жугуп калуудан кооптонуп жатканын айтууда.

"Бул жайды көчүрүү боюнча кайрылбаган жер калган жок. Күн ысыган сайын жагымсыз жыт чыгып, дем алууга мүмкүн болбой калат. Балдарыбыздын келечегинен кооптонобуз. Чымын, чиркей деген толтура", - деп нааразычылыгын билдирди айыл тургуну Алманбет Молдалиев.

Автор: Акназар Сулайманкулов
Фото: Акназар Сулайманкулов

12:34 31-05-2017

Жазылуу

РУБРИКАДАГЫ СОҢКУ КАБАРЛАР

23:49 2025-07-07 | Кылмыштар, кырсыктар

Бишкекте автобусту карама-каршы тилкеде катуу айдаган айдоочу аныкталды (видео) 90 0

23:28 2025-07-07 | Түркүн дүйнө

Орусиянын Транспорт министрлигинин дагы бир кызматкери каза болду 381 0

23:03 2025-07-07 | Саясат

Орунтаев дархандыктарды эмне деп сүйүнттү? (видео) 376 0

22:35 2025-07-07 | Кылмыштар, кырсыктар

Ысык-Көлдө жасалма номур менен унаа башкарып жүргөн айдоочу аныкталды (видео) 298 0

22:05 2025-07-07 | Түркүн дүйнө

Ирандын президенти Израил аны өлтүрүүгө аракет кылганын айтты 695 0

21:30 2025-07-07 | Коом жана турмуш

Бишкек–Ош унаа жолунун селден улам жабылган аймагы унаа каттамдары үчүн ачылды (видео) 624 0

Архив

Комментарийлер (5)

nusu

2017-05-31 13:03:38

Урматтуу Супер инфо. Мигрантардын айдоочулук күбөлүгү тууралу билип бериңиздерчи сураныч. Эртеңден баштап улуттук күбөлүк менен айда сайте болобу же болбой будет?

admin_superstan

2017-05-31 16:03:03

nusu, саламатсызбы? Бул шилтеме аркылуу кирип көрүңүз: http://www.super.kg/kabar/news/189909/
1-июндан баштап Орусиядагы Кыргыз жарандары улуттук айдоочулук күбөлүктөрү менен жүрө алышпайт

admin_superstan

2017-05-31 16:02:35

rios.07, провокация жол берилбейт. Эскертүү!

-1

gul3ina

2017-05-31 20:31:31

Супердин жамааты Сокулук районунун Тынчтык конушундагы таштандыдан да келип коруп кабар алсаныздар жакшы болот эле.Крупская деген каяк жагында Сокулуктун.Мен билгенден Крупская деген кочоо эле бар экен тактап берип койгулачы

admin_superstan

2017-06-01 11:08:52

gul3ina, саламатсызбы? Сунушуңузга рахмат, тиешелүү бөлүмгө жеткирилди.

Комментарий калтыруу үчүн өз ысымыңыз менен кириңиз же каттоодон өтүңүз.