Желим гүл саткан Эрмектин таенеси кредиттин айынан оор абалга кабылышканын айтат

Бүгүн, 1-июнда Бишкекте желим гүлдөрдү сатып үй-бүлөсүн баккан 7 жаштагы Эрмек Абдырахмановду колдоо максатында уюштурулган иш-чарада жалпы 117 миң сом чогулгандыгы жана курулуш компаниялардын бири Эрмекке бир бөлмөлүү батирди белекке бере турганы белгилүү болду.

Ал эми Эрмектин таенеси Айсулуу Абдырахманова кантип желим гүлдөрдү сатып калганын SUPER.KG`ге айтып берди:

“Эрмектин апасынын эгизи майып болчу, аны дарылатам деп 1993-жылдары борборго келип туруп калдык. Ал мындан 7 жыл мурун каза болду. Мурда Эрмек апасы менен Жалал-Абадда эжемдин үйүндө турушчу. Анан апасы “балдарды бутунан тургузам" деп 100 миң сом кредит алган. Базарда бир аз соода кылды. Адамдар андан карызга соода кылышып, акчаларын кайтарып беришпей, кызым кредитти төлөй албай Орусияга кетүүгө аргасыз болду. Ал жакка барып паспортун жоготуп жибериптир, тилемчи болуп калдым дейт. Өзү алган кредитинин 1 айын гана төлөй алды, калганын ушинтип Эрмек жардамдашып жатып, 5 айын биз төлөдүк, айына 7 миң 500 сомдон төлөйбүз, дагы 12 ай төксөк бүтөт. Эми Эрмек экөөбүз кредитти жабабыз деп көчөдө чуркап жүрөбүз”, - дейт.

Андан сырткары гүлдү Эрмек сатса соода жакшы болгондуктан аны саттырып өзү үйдө желим гүлдөрдү даярдоо менен алектенип калгандыгын айтып, аны окутууга да жардам беребиз дегендер чыгып жаткандыгын кабарлады.

“Бирөөлөр келип сертификат таштап кетишти. 3 жыл бекер окуйт экен. Буюрса, окутуп келечекте мыкты адам кылам, бизге жардам берип жаткан адамдардай боорукер адам болсо экен деп кыялданып жатам”, - дейт.

Кыргыз элинин боорукерлигине терең таазим кыларын, боорукер адамдар мынча көп деп ойлобогондугун айтты. “Ушундай жакшы адамдар бар экен. Көтөрмөлөп жатышат. Бизге ушинтип жардам бере турган адамдар чыгарын ойлогон эмесмин. Мен ушунчалык толкунданып жатам кантип рахмат айтарымды да билбейм. Деги көчөдө бир да бала тилемчилик кылып жүрбөсүнчү. Бардык адамдарда муктаждык болбой бай болушун каалайт элем”, - деген пикири менен бөлүштү Айсулуу Абдырахманова.

Автор: Кенжебай Сатканалиев
Фото: Кенжебай Сатканалиев

23:29 01-06-2017

Жазылуу

РУБРИКАДАГЫ СОҢКУ КАБАРЛАР

23:41 2025-06-26 | Саясат

“Ыкчам-иликтөө ишмердиги жөнүндө” мыйзамга кол коюлду 256 0

23:28 2025-06-26 | Түркүн дүйнө

Куба президенти ЕАЭБ өлкөлөрүнүн товарлары үчүн аралда логистикалык борбор түзүүнү сунуштады 285 0

23:19 2025-06-26 | Саясат

Жапаров IV Евразия экономикалык форумунун пленардык сессиясында сөз сүйлөдү 247 0

22:26 2025-06-26 | Коом жана турмуш

27-июнга карата аба ырайы 356 0

22:11 2025-06-26 | Коом жана турмуш

Блог: Мен көргөн Анталья: күн, деңиз, тарых жана сезимдер 1809 0

21:36 2025-06-26 | Түркүн дүйнө

Түндүк Корея “дүйнөлүк деңгээлдеги” курорттун курулушун аяктады 1338 0

Архив

Комментарийлер (16)

nazel

2017-06-01 23:34:48

Ыйлагым келип кетти,дуйнодо наристелер кыйналбасынчы

+17

DIAFRER

2017-06-02 00:08:16

Мойтойгон жөжө ыйлаттың го. Өзүм үйлүү болгондой эле сүйүнүп жатам. Келечегиң кең болсун. Элим, жерим деп күйгөн азамат болуп чоңой. Аллахым узак өмүр, бекем ыйман берсин.

+15

grace

2017-06-02 00:14:37

Рахмат

aziret-92

2017-06-02 00:22:44

Биринчиден ушул флешмобду уюштурган журналист Дайырбек Орунбековго,экинчиден жардамын аябай колун сунган боорукер инсандарыбызга терен ыраазычылык билдиребиз жана чын ден-соолук иштерине ийгилик каалайбыз.

+25

Kanzada97

2017-06-02 00:43:44

Мотурайган балаго, келечегиң кең ылайым!

Kanzada97

2017-06-02 00:44:10

Кең болсун

dina1983-19

2017-06-02 00:53:16

Уюштуруучулардан алла раазы болсун. Эрмек үйүң куттуу болсун.

meni_kut

2017-06-02 01:12:25

Дайырбек байке орозодо чон соопко калдыныз ырахмат.Эч ким которуп чыккан эмес,канча адам корсо да.Балакайдын балалыгы бактылуу отсун.

+13

jasgul

2017-06-02 03:37:05

Оууу мындай Эрмектер кочодо толуп атат тилекке каршы. Рахмат, уюштуруучуга...

-3

sladkaja_konfetka

2017-06-02 08:02:00

Эми Апасын Россиядан алып келүүгө жардам берчүлөр болсо жакшы болмок

meni_kut

2017-06-02 09:26:53

sladkaja_konfetka,апасы эми тез эле жолун таап учуп келет))))Учуп келиш учун каалоо болуш керек.Мунун айтканым себеби документ жоготсон утерян мн учуп келсен болот.Россияда биз да жургонбуз утерян мн учуп келген досторум болгон.

abusait

2017-06-02 10:24:59

Туз жаласанар да кредит албагыла. Мына кесепети . Суперка , жанакы кредитти толой албай калып бойрогун сатам деген киши эмне болду? Билип бериниздерчи эгер мумкун болсо..

admin_superstan

2017-06-02 10:30:04

abusait, саламатсызбы? Сунушуңузга рахмат, тиешелүү бөлүмгө жеткирилди.

Kroxa

2017-06-02 10:32:08

Кридит алгандар шаарга келип балдарын базарга жиберишпесе болду...бул баланы кудай чоон колдоду,,Журналист Дайыр соопко калды...

Patron

2017-06-02 19:15:20

Баары жакшы Эрмек азамат.Бирок балдардын эмгеги жонундо мыйзам кандай болот.

alhamdulillah

2017-06-02 22:34:10

Эрмек Кок -Жангактан болобу билгендер айткылачы .

Комментарий калтыруу үчүн өз ысымыңыз менен кириңиз же каттоодон өтүңүз.