"Манас" аэропортунун жанына кулаган Боинг учагындагы жүктүн ээси тууралуу маалымат сентябрь айында берилет. Бул тууралуу бүгүн, 30-июнда маалымат жыйында Жогорку Кеңештин төрагасы Чыныбай Турсунбеков билдирди.
Анын пикиринде, бул маселе боюнча чукул жыйынды өткөрүүнүн кажети жок.
Ал эми журналисттердин "Жүк президент үчүн болгонбу?" деген суроосуна төрага "Күзүндө баарын айтып беребиз" деп жооп берди.
Айта кетсек, 2017-жылдын 16-январында "Манас" аэропортунун жанына Түркиянын Боинг учагы кулап, кырсыктан улам 39 адам каза болгон. Учактагы жүктү иликтөө боюнча убактылуу депутаттык комиссия түзүлгөн. 28-июнда бул комиссия ишин жыйынтыктаганы белгилүү болгон.