Кечээ, 4-июлда Казакстандын Улуттук экономика министрлигинин статистика комитети тарабынан өлкөнүн 18 миллионунчу ымыркайы жарыкка келгени расмий түрдө жарыяланды. Бул тууралуу Казакстандын жергиликтүү маалымат булактары жазып чыгышты.
Наристе ушул жылдын 11-майында Алматы облусунун Талдыкоргон шаарында туулуп, ага Муслима ысымы ыйгарылган. Муслима төрөлгөндө бою 51 сантиметр, 3300 грамм салмакта болгон.
Анын атасы Самат Бестыбаев 1982-жылы туулса, апасы Диана Омарханова 1991-жылы төрөлгөн. Аларга кечээ мамлекет тарабынан 3 бөлмөлүү батир, коляска жана оюнчуктар тапшырылганы маалым болду.