Президент Алмазбек Атамбаев мектеп бүтүрүүчүлөрүнө ыр окуп берди

Бүгүн, 5-июлда "Ала-Арча" мамлекеттик резиденциясында алдынкы бүтүрүүчүлөргө "алтын сертификат" тапшыруу аземинде президент Алмазбек Атамбаев жаштарга ислам дини, кыргыз тили тууралуу айтып берип, кыргыздын маданиятын сактоого чакырды.

"Кудайдын кыргызча, эски аталышы бар. "Манас" дастанында айтылган. "Кийингеним көк темир, ишенгеним бир Теңир" деп. Теңир - Алланын кыргызчасы.Теңир - тең дегенди билдирет. Ал баарына бирдей мамиле кылат, керек болсо президентти да, бомжду да бирдей кылып коёт. Ошондуктан бирөөнү ээрчибейли, ооба, биз мусулманбыз. Араб, Пакистандын маданияты менен ислам ар башка нерсе. Мусулмандар өзүн өзү өлтүргөндөрдү керек болсо бейитке көмгөн эмес, азыр сооп деп өзүнө кошуп башкаларды жардырып жатышат. Бул сокур ишеним. Силер билимдин жолу менен кеткиле.

Менин уулум магистратурада окуйт, бирок экономика боюнча 2-китебин даярдап койду. Ал менден "Ата, эмнени пландасам болот?" - деп сураганда мен анын столунун үстүнө Редьярд Киплингдин (англиялык акын, жазуучу) бир ырын коюп койдум. Докладдын ордуна ошол ырды окуп берейин", - деген президент аталган акындын кыялдануу, аны ишке ашыруу, кечиримдүүлүк, эрктүүлүк тууралуу жазылган ырын окуп берди.

"Эч качан сынбагыла. Менин жалгыз калган күндөрүм болгон, баары мени сатып кетишкен. Алдыга кетиш керек, ишенгиле. "Судьбе назло" деген ырым - бул менин жашоодогу девизим. Аны мен 18-19 жашымда жазгам. Тагдырга өчөшкөндөй алдыга жылгыла. Баарына боорукер, акыйкат болгула. Кечиримдүү болгула. Кээде адам ичи тардыктан эмес, жокчулуктан туура эмес иш жасайт, кээде билбестиктен. Катачылыкты кечире билгиле. Эсиңерде болсун, өз мекениңерде гана бактылуу боло аласыңар. Силер мага өз баламдайсыңар. Ошондуктан баламдын алдына койгон ырды окуп бердим.

Анан дагы өз тилиңерди билгиле, мен убагында, өзгөчө 2000-жылдан кийин балдарыма убакыт бөлө албай калдым. Балдарымды кайра-кайра жашырып катып жаттым, анткени бир кызымды бычак менен өлтүрүп коё жаздаган. Ошондон кийин эки кичинекей баламды катып жатып, тилекке каршы, жакшы көңүл бура албай кыргыз тилин, мына, эми үйрөнүп, сүйлөп жатышат. Албетте, канчалык көп тил билсеңер ошончолук өзүңөр үчүн жакшы", - деди бүтүрүүчүлөргө куттуктоо сөзүн айтып жатып А.Атамбаев.

Автор: Кызжибек Раимова
Фото: Кызжибек Раимова

16:30 05-07-2017

Жазылуу

РУБРИКАДАГЫ СОҢКУ КАБАРЛАР

09:53 2025-06-27 | Түркүн дүйнө

Испания менен Израилдин ортосунда дипломатиялык чыңалуу жаралды 140 0

09:48 2025-06-27 | Коом жана турмуш

Дүйнөлүк валюталардын сомго карата учурдагы наркы 70 0

09:34 2025-06-27 | Түркүн дүйнө

Трамп Кытай менен соода келишими түзүлгөнүн айтты 129 0

09:33 2025-06-27 | Түркүн дүйнө

Чилинин Атакама штатындагы дүйнөдөгү эң кургак чөлгө кар жаады 199 0

09:31 2025-06-27 | Супер-Инфо

Атактууларды улуттук кийим менен сулуулаган дизайнер Мирлан Бекенов 88 0

09:30 2025-06-27 | Түркүн дүйнө

Улуу Британияда окуучуларды ташып бара жаткан эки кабаттуу автобус кырсыктады 80 0

Архив

Комментарийлер (4)

Asedullah1996

2017-07-05 17:52:05

Дин тууралу президенттен караганда аалымдардын тушунугу жогору экенин билсек болот.

-2

KGstan1981

2017-07-05 20:09:44

Оз тилинерди билгиле дейт Атамбаев.Кече жакында Алия кызы кыргыз тили популярдуу болбогондуктан мен кыргыз тилин билбейм.Уйронушко колум бош эмес деп озунун страничкасында жазган.Баштап озунун кызына эне тилин уйрот анан башкаларга эс уйротсо болмок Атамбаев.

Baktikan

2017-07-05 21:56:09

Atambaev molodes~Siylaimin

-4

Aidan88

2017-07-07 00:57:12

Atambaev Atambaev buturuuchulorgo yr okup berse,Orusiyada migranttarga da yr yrdappy ,prezident bolboi le yrchy bolup ketti go ,el ishenip shailady le,ech jakshy dele ish kylgan jok

Комментарий калтыруу үчүн өз ысымыңыз менен кириңиз же каттоодон өтүңүз.